小學分類及報讀小一流程

本港的小學分為三類:

1. 直資小學 (不需計校網): 英華、男/女拔萃、陳守仁、聖馬加利、培橋、港大同學會小學...

2. 私立 (不需計校網): 宣小、培正、九龍塘小學、啟思小學、耀中、禮賢...

3. 官/津校 (以校網派位): 喇沙、MCS、油麻地天主教、協恩、聖羅剎、馬頭涌官小...

每年的7月開始，直資校(e.g 男.女拔萃，優才)會舉行介紹會，可自行上心儀校網搜查。一般小學9月開始收表，10-11月面試，11-12月就有結果，得獎者需通知教統局，咁就無得参加官/津校大抽獎，叠埋心水等開學。

如獲私校取錄 (e.g 蔡繼有小學) 則仍可大抽獎，然後先決定去邊一間讀。

另外9月底填表參加官/津校第一階段自行分配學位。大家計分，適齡入學10分，首名子女5分，舊生子女5分，相同信仰5分 (其他如教職員子女，有亞哥家姐讀緊，父母係校董就掂硬)。一般名校你得15分既機會等如零，20分就由學校自己決定收唔收，但表上只show屋企地址和所讀幼稚園，而教統規定，交表不可attach任何資料，所以以往很多小學會選有錢和讀名幼稚園的學生，但現在很多家長都會另交portfolio (不是attach在份表，學校就唔怕收)，甘都叫有個機會被選中。

第一階段好快有通知，掂就註冊，唔掂就再填表等1月第二階段搞珠。期間如有直資校話收，要即刻通知教統局，唔使搞珠。

大抽獎6月派彩，OK就登記，唔OK就要四處拍門。