結婚七周年((上集))@珀麗灣

5月13日，踏入結婚的第7年，但是今天我們並沒有準備甚麼慶祝活動，只是想跟兩個心肝。寶貝親親大自然，Enjoy 一下家庭樂既時間 ((自從嘉嘉上學之後，我地已經勁少週圍去；加上渟渟成日病，我地就更加唔敢亂甘去，最最最緊要係.......屋企開支大左，要就住就住去玩  ))。

話雖如此，現在的我卻覺得自已擁有得比從前多，要感恩的事更多!!!

多謝羊生，你是我星球裡最好的老公!!! 感謝你每日仍細心照顧，為我蓋被斟水叉電話!!! 這是甚麼禮物也代替不了的愛。

多謝嘉嘉，你真是個很乖很懂事的小孩，媽媽經常被你感動到想抱著你哭；你沒有失守諾言，你真的可以當一個好家姐。

多謝渟渟，你肥DoDo既身型經常令媽媽受到另類的""讚賞""，雖然你有時會蝦嘉姐仔，但其實你地兩個一齊又真係成日都好sweet到爆，俾我覺得生左兩個女自已何其矜貴!! 同埋想像到將來自己有幾幸福!! 當然媽媽仲好努力為鐘意baby的你爭取多一個妹妹啦 !!



呢張相就係我今年最喜歡的結婚禮物

雖然你地兩個經常令我好唔冷靜，不過你地真係好叻，你們的"""歡笑聲""和""扮傻樣""，都可以極速令我於地獄爬返上天堂，你們就好像有起死回生的法力!



因為珀麗灣水質差，所以我地無帶泳衣黎，純粹俾嘉。渟玩下沙、濕下腳。

結婚七年會癢嗎???  睇黎羊生都真係幾癢.......俾蚊咬到成腳都係......RRRRR.....…

不過.....呢個......

HAPPY FAMILY 就係我地最大最大最大既價值喇!!!