嘉嘉的收穫

這是嘉嘉的新玩具，是一塊主題磁石板。




急不及待立即折出來玩了。

 

嘉嘉14個月大喇~~~

唔經唔覺，嘉嘉已經14個月大了~~等我會報一下給大家知道嘉嘉的進度~~

  嘉嘉的身體都尚算健康，不過這樣不代表替我慳荷包，皆因光顧皮膚科醫生的收費都比較昂貴。

  一天會吃兩至三餐固體食物，每次見到有人吃東西，心肝就狂點頭 say "Ye...s" ( 即使在街上看見別人吃東西都流晒口水，人家以為我餓壞了她，真羞家)。對拆所有食物的包裝袋聲超敏感，可以即刻找到聲音源頭。

  除了水，就全都愛喝 ( 尤其雪梨汁和竹庶茅根，你想喝她一口都難，心肝一口氣就可以飲半支 )，又好鍾意吃生果，所以婆婆屋企長期有三種以上不同款生果供應，嘉嘉每次都好醒目地 " 利用 " 婆婆攞生果給她 ( 就是叫婆婆度抱抱，然後指住生果狂點頭！萬試萬靈！)

  識行識走，要好似看牛一樣看實她，好鍾意自已行路，特別鍾意行上樓梯，而家挑戰緊落樓梯。

  明白一些簡單的指令，只要聽到問題 (e.g. 好唔好/ Do you want .....?) 如果佢想便點頭，有時仲會講埋 yes..... (尤其問'食唔食'? 就一定狂 yes )，每次都表達得好清楚。唔想就會搖頭，有時仲會大叫.....NO

  鐘意模仿人，有次當羊生咳咳時，嘉嘉就用手蓋住口扮 " 咳咳 "，超爆笑

  識得手指指 : eye，ear ，mouth，teeth，toes

  玩緊分辨圖咭

  自理方面會自己刷牙 (當然要大人補刷)，洗完手會拿紙巾抹手，吃完東西會自己抹咀。會自己打開水杯(飲管杯) 喝水，喝完自己關上。 會自己上落梳發，眼訓會找枕頭，然後伏在上面睡覺。沖涼前會Put hands up俾我哋除衫。垃圾識放入 Litter bins。其實基本上我哋講咩佢都明白而且做到。

我覺得14個月大的嘉嘉，已經好有要求，而且有自己的想法和玩法，如果你達唔到嘉嘉的要求 ，心肝就會大叫，跟住行開幾步 ，再行近大叫~~~"呀" ！代表甚麼?  想撩我玩?    囡，你快些開口說話.........我就不用再猜了~~~~ 期待你下個月，會學懂更多的事情。 多謝大家跟我一起見証嘉嘉的成長呀~~!!!!

 

 

玩圖卡

之前我買了一些圖卡打算給嘉嘉玩，但一直丟在一邊

差點忘記跟她玩，見到其他Blog友每天都跟BB玩閃卡

可以增強 BB 的記憶力，我都想試下囉！

葡國菜@元朗氹仔餐館

今晚收工去了這一間，氹仔餐館，這裡的招牌菜不錯的。

就是燒牛仔骨!!!!  基本是每檯都會order的必食推介，盛惠 $38 一件

牛油蒜蓉蝦 : 不過不失


馬休介炒通菜


焗芝士西蘭花-------好漏


芝士焗海鮮伊麵


炸香蕉-------Good


澳門鹹魚炒飯



雖然氹仔無澳門海灣餐廳 / 船屋 / 九如坊的豪華裝修，只是普通的大排檔格局 ~ 氣氛causal，地方狹窄和衛生環境有少少差，不過羊生就好像有很多不滿。

五個人七個菜，埋單只是四百六十個大洋.....真是好優惠......好飽....

如果氹仔要裝修到高級餐廳模式，價錢就不會大眾化，有時候也用不著太過介懷個view，不過不失也可以，事實上.....呢些就叫風味 ~~

氹仔餐館
地址 : 元朗建業街４１號地下

三老表又再聚

前幾天跟嘉嘉去了嫲嫲屋企




三個小朋友都是電視精




表哥原來都好喜歡擺 Pose 影相



嘉嘉古靈精怪，成日發牙痕

9 號風球的一天

今朝早，一起床........woo~~~~~~~天文台掛上八號風球，不用上班，刷牙洗面落去樓下飯堂( 又係別府 ) 食Lunch。

嘩嘩嘩！風勢真的很強勁，連我百幾磅都吹得起，幸好不是由我抱著嘉嘉，誰人抱???  當然是由......比我更有份量的文姨姨是也~~!!!!!

大風吹過嘉嘉的面，她覺得很得意，一路在傻笑。


終於平安到步，為甚麼一個人也沒有???  其他人不用吃的嗎?

姐姐話 : BB，打風都落嚟?

嘉嘉就不停甘點頭 (近期招牌動作)

姐姐話 : BB，帶你去睇魚魚好唔好?

有甚麼魚看呢? 這裡又不是酒樓，原來是去看.........廚房被切切中的三文魚。

食到一半，姐姐話 : 一陣掛九號...我們都收工.....

文姨姨犀利，短短一小時就能夠煮出三餸一湯，真係佩服~~~~ 錫晒你

食完晚有時間就替嘉嘉敷個 Mask 先

豬腳也一起來敷~~~~~~

點解嘉嘉會甘乖任我魚肉? 因為......

嘉嘉正在收看她至愛的Baby Song DVD，唉.........呢隻碟，今天起碼Play 了over 10+++++++

羊生好慘呀~~!!! 9號風球都要返 (夜)，在惡劣的環境下仍然要為市民服務，讚~~~~

 

當。每次打風,好多打工仔都唔駛返工既時候....我地老公, 無計傾. 照返 。慘

當。每次黑雨,我地都有機會著數到唔駛返工既時候,佢地都係要返 。慘

當。每個 Weekend,好多人都可以Family Day既時候, Sorry,我地無 。慘

當。大部份過時過節,紅日...我地都係要自己過。。。慘

當。尤其係新年,佢地只可以抽籤放2日, 同埋xmas既時候,就更加覺得lonely,一齊 Countdown ? No Way 慘。

當。人人有Doublepay既時候,佢地無 , 慘

 

久違了的M小姐

M小姐，我們已經有兩年沒有見面了，

隨著我有了嘉嘉，嘉嘉又因為吃母乳，M小姐你都不打擾我

然後開始返工，我的母乳已經慢慢減少了

現在嘉嘉斷奶差不多半年了

我知道 M小姐你應該差不多時候會來找我的.......

前天，M小姐你終於來了

沒有任何先兆..完全不知道的...

我以為經過懷孕的過程後

M小姐會否不再令我痛苦？

可是第二天....

M小姐令我肚又痛， 頭又痛，而且量又多，

真的有點吃不消

希望一星期之後....你會遠離我

少少進步 @ The Little Gym

嘉嘉今日返 Playgroup 好叻呀

看看她今天玩了甚麽小遊戲~~~~~~

米奇好友運動會

我們星期六去了屯門市廣場的米奇好友運動會，都幾靚，可惜地方太細人太多。

提提大家「米奇好友運動會」：
即日至8月31日
時間︰上午10時至晚上10時(每次可逗留20分鐘)
地點︰屯門市廣場

※只需於商場消費滿港幣50元(每人計)，憑該即日發票便可入場。
即如發票消費已滿港幣100元，可享有二人入場，如此類推！！！！！

田徑場上的嘉嘉

準備跳水的嘉嘉

唔敢行平衡木的嘉嘉

因為嘉嘉好怕比她高，比她大隻的公仔，所以想要求她拍多幾幅照片，都耍手擰頭......

而且現埸其他小朋友都玩得很忘形，當Donald 同Daisy 係馬仔，騎上去影相，好恐怖 !!!!  所以我們只是隨便拍幾張相就回家了....

2008BB展

前幾天去BB展的東西，現在才有空整理

以上全部都是贈品，不用花錢都捧一大袋回家。

呢些就是戰利品~~~~~

這包積木想買好耐，現在做7折才捨得買。

羊生的生日禮物~Nikon SB-800

其實我一早打算買Nikon的閃光燈給羊生做生日禮物，因為羊生最近不停看有關 forum，想偷偷買給他做個驚喜。但以我懶惰的性格，又沒有做Search，站在店內的我非常煩惱，究竟羊生看中的是那款型號?  SB800還是SB900呢??  兩者又有甚麼分別??  可不可以支援到家中那部相機呢?  死啦.........

正在煩惱的我，電話突然響起，來電就是羊生，我好緊張，無理由問羊生要那一支，我又不想買錯，我有想過說是代朋友問 ( 但呢個大話似乎太差勁，雖然我成日講！ )  最後我唯有老實地告訴羊生，點知他第一個反應竟然不是什麼感動什麼樣驚喜，而是一連串的擔憂，不停說：妳會否買錯水貨? 無保養wor~~ 會不會買貴咗?......

最後甚麼的驚喜都消失了，所以我就在慶祝當日，因為我不懂得如何買，又怕買錯給羊生丙，所以就決定和羊生一齊去買好了!!!!  有時做人太過理性會得不到原有的驚喜呀~~~~


終於...........

羊生的 Nikon SB800 閃光燈終於到手！( 羊生好古惑，每逢想買的玩具，就每晚同我爭電腦玩，週圍看forum，明眼人都知佢想點 ...擺明知我心軟......)

其實我一直在想，究竟有沒有需要買閃光燈呢?? 唔貴唔靚都唔想要的羊生.....買也是遲早的事。由 DC 機仔，一直步上玩相機的羊生，對畫面的質數，都越來越有要求。

特別在室內影BB的情況下，為之嘩然，經試燈影了的相，才發現這支燈神影出黎啲相實在太好了！

買了有點遺憾，因為覺得買得太遲了！