Pre-Father's Day@Noah's Ark

是日行程  >>>>>  舟遊Noah's Ark 慶祝Pa Pa節!!!

天氣報告預計會有驟雨及雷暴，幸好整天都陽光充沛，真是天公造美呢 !




這裡就是全世界第一首按照聖經記載既比例，而建造既挪亞方舟主題公園，香港人應該感到自豪 ! 入費場 $100 就可以玩轉晒入面五個場館。




方舟是以一比一原吋建築，夠晒宏偉，「勁」! 底層「方舟多媒體博覽館」的180度環迴影院及4D立體影院，都設有特別效果，一個係比大家感受下洪水既威力，另一個就要大家反思環保的問題，極具教育意義。

館內仲有真的墨西哥大咀鳥，蜥蝪，青蛙，化石欣賞.....不過裡面唔比人影相架 !!!




方舟花園的動物模型栩栩如生，當然不及長隆，但已比我想像中好。




加上青馬大橋，無敵的海景，一流的景致




花園裡面每種動物都係成雙成對，正好配合聖經裡面神對挪亞既吩咐




Oh......送羊嘉嘉入河馬口先




豬流感停課的 Sunnie 最開心，呢個 View 好 Ok




羊生 Kiss Turtle 的......Oh No.....希望不是"公"吧 ~~




我地離開左花園之後，就入左去室內展覽館「方舟生命教育館」，呢度有好多遊戲玩架 ! 姐姐仲俾左啲油彩我地，可以盡情晝大花面。




花面貓都有父女裝架




「生命教育館」透過多種遊戲要大家認識及反思自己，最啱家長陪同小朋友一齊參與，呢幅〝生命自主牆〞，有黑板有粉筆，讓大家隨意畫畫，寫下當下想要說的話。




這個叫做"愛心 cake一cake "，跟老師學做毛巾蛋糕，開始時首先要寫一張感謝卡，然後把製成品"蛋糕"送給心愛的人。

睇下我地幾咁專心~~  一人一個蛋糕哦 !




我們再到「珍愛地球館」參觀，「珍愛地球館」是本港首個多元智能的兒童博物館，當中有15個獨特的主題展館，為了令知識深印小腦袋，館內佈滿互動遊戲，引發好奇心，再讓孩子自行探索找出答案，過程眼看手亦動，學習效果滿 Fun！




這裡簡直是兒童樂園，樣樣都給小朋友摸摸、攪攪 ! 小朋友玩得勁開心 ! 不同主題的小房間，都能引發兒童的思維和創意，在愉快的環境中學習，值回票價 !!  看看 Sunnie 的手和面 !!




梵谷名畫《夜晚露天的咖啡座》，雖然只有一張桌椅，全靠繪畫的技術，視覺豐富，難怪嘉嘉受到感染，連創作力也激增。




仲有孝古探索，音樂天地

喺方舟的展館內基本上是不准拍照，( 我是冒著厚臉皮的險"偷偷"拍下給"我的Blog友"看 )，羊生因為突然有事匆匆離開，慨嘆無份一同穿上挪亞時代的服飾，這裡就是唯一可以光明正大甘影相的小小劇場喇 !




挪亞運動場 ~~ 全場只有嘉嘉同 Sunnie 係度自娛




珀麗灣的沙灘真的適宜游水嗎? 我真的不敢讓她們下水.....踏沙還可以 (其實沙很粗，腳很痛，不過一場來到，唔俾佢地玩下會好失望 )




我地玩到18:30就離開，帶著汗水和滿足回家，又熱又累~~食埋個消暑食品"i-cream"就搭船返荃灣 join 返羊生食 Dinner。

其實帶小朋友黎呢度玩真係唔錯架，不過就要留意返小朋友的體力囉，因為我地買左最貴的票，帶住小朋友左玩右玩實行唔晒架 ! 其次仲有就係嗰兩個影院.....太細個都係唔多適合玩，因為裡面黑蚊蚊，而且啲音響太大會嚇親BB.......

挪亞方舟「擱淺」馬灣，真係造福不淺 !! 上至天文、下至地理都可在「船」上學到，又一個好地方，可以俾嘉嘉玩同學習既"樂園"，我想不久遠我地會再帶嘉嘉黎慢慢玩。




今晚電視播了一個父親節的廣告，廣告內的女女每當遇上危險關頭，便會大叫"爸爸"，而她的爸爸便會立即出現為她擋駕。羊生看了哈哈大笑，分明是自已的寫照，對嘉嘉寵愛有加，溺愛著這個小寶貝。

KaKa :

你要好好感謝爸爸深深的愛著媽媽，令媽媽有安全感，所以常常都好開心快樂，使這個家庭充滿了溫暖和愛，才可以令你像現在這般幸福 。