Kaka 2nd Birthday@Disneyland + Hollywood Hotel (I)

7 月 1 日是嘉嘉的2歲生日，我們於29日就入住了 Disneyland Hollywood Hotel，雖然入過 Disneyland 好多次，不過住呢.......今次都是第一次 !!!!




首先乘坐嘉嘉至愛--------迪士尼列車




可能停課關係，適逢 Promotion，所以係超超超超多人呀 ! Check in 起碼排左 30 mins，搞完一輪又再去排另一條隊取房咭 ( 多餘 )，等到嘉嘉都要訓一陣。




我明明 order 左 Double Bed，又俾唔到我，我點同嘉嘉一齊訓? 張床欄又超細，有等於無。

我仲 Book 左海景房，勸你地唔駛 Book，因為望到老遠先見到個海景。




感覺呢間房好細，與我想像中有一段距離。雖然好舒適潔淨，但我一直幻想會好 Grand，豈料裝置平實，實在有點失望，真係好一般 ! 都係隔離個間 Hotel 靚好多。 不過嘉嘉都好開心，慣例試床，在床上左跳右跳。




算啦 ! Book 呢度既原因係因為 Hollywood 好適合有小朋友既 Family 去玩，酒店每日不同時段都有不同活動 for 小朋友參加，睡前仲有 story time !!




呢到就係嘉嘉既目標 ~~「泳池」


 




因為今日主要既行程係游水.......同埋......




當嘉嘉玩到忘晒形既時候，高飛突然出現晌游池，我地即係衝過去同高飛影相，係甘跟住佢不停影，我甘大個女都未試過追 "星"架 ! 而且高飛仲會落埋泳池游水添 ! 嘉嘉竟然肯同高飛近距離拍照 / 玩水，是今天的意外收穫 !


因為淨係迪士尼好萊塢酒店 呢邊先有高飛陪你游水咋!!!


隔離果間香港迪士尼樂園酒店 係無呢個服務架! 咪係我 Book 呢度既最最最最主要原因囉 !!!




游完水去快餐店醫下個肚先




嘉嘉話好飽飽呀 ! 飽到捧住個肚添 !

BB 你扮大肚婆呀 ?




再喺酒店週圍影下相




跟住入左樂園行個圈




同嘉嘉報名學下畫迪士尼人物先




個教室好靚呀，仲有好多同學仔添!!! Are U Ready ?




我地一齊好專心學畫 Mickey




Ka Ka 作品




羊生作品>>>>>畫得好似呀!!!.....好似大陸翻版啲米老鼠!!!!!




我連小學程度都無既畫功加埋嘉嘉隻手.......畫出黎既.....都唔太差啫




然後週圍行磨時間等睇煙花，買左個 Pooh Pooh 汽球，盛惠一舊水，我超唔願意買 ，不過我知嘉嘉恨左好耐，次次都望到唔願走，佢又無扭過我買野既，今日咪當氹下佢開心囉 !!!




終於等到夜晚八點睇煙花喇 ! 今日嘉嘉係第一次睇煙花，平時一早黎玩成日，邊有可能留到甘夜吖，攰都攰死啦，不過......嘉嘉起初都有少少驚架。




食完飯就番酒店個 Playroom 再玩過 !!!!! 原來Hollywood Hotel 個 Playroom 大過隔離間酒店好多架!!!!




我訂左個半磅既鮮雜果忌廉蛋糕俾嘉嘉，由嘉嘉自已主唱 Birthday Song，然後切蛋糕，個蛋糕好多 cream 呀 ! 我地淨係食左兩啖同上面既士多啤梨，因為真係好漏，百幾蚊個蛋糕影完相就無佢既利用價值喇 。




跟住嘉嘉訓左覺，我就為羊生調較左個泡泡浴，係咪好香艷呢