西寶城 Playtown

久仰大名的西寶城~~我地黎喇~~




呢個Playtown真是一個好適合BB和小朋友玩耍的好地方

四圍都鋪滿了軟墊

還有玩具，波波池，滑梯，繩網陣，縱橫交錯既障礙物

可惜對我們來說就是遙遠了一點啦 !!

今天我們還約了姑姐仔一家，因為可以和表姐表哥一齊玩，我們一去到，就見到五顏六色好吸引，好有氣氛!!!!!  真是一個值得推介既好地方。而且仲有 Locker 設施，不用看實財物，可以玩得更加盡情!!!!




放低了手袋之後，我地就落左樓下味千拉麵醫肚先 !!




Playtown 係一個以糖果為主題的一萬平方尺室內遊樂場，主要對象係十二歲或以下小朋友，玩足全日 (可自由出入多次)，入場費兩大一細係 $110 ！抵 ！




亦有分幼兒專區，唔係幼兒唔準入，這是一至三歲的地盤




Playtown內有一間波波房，將波波倒入機器內，只要一按掣，機器就會發出wu...wu..聲，波波便會飛上半空再散掉下來，你睇下嘉嘉玩得幾興奮。

波波房分2層，每層2邊皆設有射波波機，可以執多啲波波先拎去射槍 !

嘩 ! 發射 ! 哈哈哈.....羊生玩緊 big gun 呀，fun fun fun fun....




場內有一間鋪了假草皮的房間，讓小朋友踢足球和射籃球，羊生舉高了嘉 嘉射籃，無論左面右面射球都可以百發百中架!!!!!




這個波波池，啲波波多到可以唔見左嘉嘉呀 ! 嘉嘉最愛跳落去玩潛波波 !!!!




喜愛的作品




玩得累了有一個好寬敞既休息地方，仲有零食機同汽水機 !! 甚至可以出去買野入黎食 !!!!!




呢條都幾直既巨型滑梯，大人細路可以一齊玩架 ! 我地爬左上去，姑姐就喺下面影相，由於表姐太心急想滑落去，所以扁晒嘴。

呢個滑梯又直又高，我真係唔敢sir 落去呀 ! => 影完相梗係走頭




真係睇見佢地滑落黎都有啲驚驚 ! !




之後又去返幼兒區玩滑梯




嘉嘉自己仲爬上樓梯玩滑梯，上上落落玩左不下數十次




姑姐仔一家!!!! 見到表姐著住Elmo衫，嘉嘉成日叫住 "芝麻雞....芝麻雞 "




雖然要收費，$110 / 2大1小，但可以全日任玩，有冷氣，不用日晒雨淋，真係超值 !!! 我地今日係 weekday，很少人，好像包場玩，勁開心，不單是小孩子開心，連身為家長的我們也玩到樂此不疲。

勁欣賞外籍老闆的營商之道，場內設有多張椅子供家長休息，地方大又乾淨又安全...保証人人有位坐，不似黃埔冒險樂園要坐地下咁淒涼，這裡還有報章雜誌任你睇，約三五知己帶小孩來 hea 就最理想 !

總括黎講 PlayTown 真係一個好啱小朋友去的大型室內遊樂場，但必須記緊 :如果大人想帶小朋友去玩嗰日前一晚.....一定要有足夠精神及體力。


有興趣入呢度睇睇吖  www.playtown.com.hk

地點﹕西環卑路乍街8號西寶城第1層平台121-123號      ((溫馨提示：必須穿襪入場))