無得去癲的Ocean Park

嘉嘉已經踏入兩歲生日的倒數週了，所以我打算今個月所有的Day Trip都要完全配合嘉嘉而設 (其實一直都係.....) 今日我地就揀左去玩、去癲、去Ocean Park~~~

我地起身食埋野，12:00pm先到達了金鐘，就搭巴士向海洋公園進發!! 我已經教左嘉嘉，"我就黎兩歲喇~~" 所以佢呢排成日舉高兩隻手指，懂得控制到小肌肉，巳經唔再係"抽筋V"




其實我恨左好耐想帶嘉嘉黎Ocean Park睇小熊貓，好得意。前排想黎又成日落雨，今日天氣都幾好吖，唔算好曬，YeAh.....!!!




我地喺公園後門落車，所以要坐"長命天梯"，無聊黎個合照先!!




上到山喇! 飛晒啲機動遊戲，不過我都唔鐘意玩既，多數係睇人嗌，睇人嘔，行入去太平館睇下海豹先!!!




OCEAN PARK TOWER~~嘉嘉話呢個"坐轉轉"好開心




等我扮下"肥美人"先   

其實佢地兩父女個口已經夠大啦




仲有羊生駛咩潛水甘辛苦吖，黎呢到睇咪得囉!!!




啲水母真係靚，我都買左隻紫色的Jellyfish




跟住我地就坐纜車去對面睇熊貓，羊生買了個麥當當充飢。

這是嘉嘉第一次搭纜車!! 想不到嘉嘉可以坐得甘定，對四周的景色充滿好奇!! 明明好眼訓摔哂眼都唔肯休息一下。




YEUNG's Family 到此一遊




呢度就係全新亞洲動物天地~~要快啲入去睇吓果條識講野既娃娃魚，同埋果隻似狸貓既小熊貓先！




如果去熊貓館記緊要帶多件衫，熊貓館的溫度與外面相差很大，尤其是近出口那段，簡直像雪櫃一樣。




熊貓禮品店有琳琅滿目的熊貓紀念品，各式其色，全部好可愛呀，還有多種亞洲動物精品，我地都掃左少少貨。




這時天正下著雨，我地就過去對面大熊貓餐廳食野，我地仲包左場添! 呢個燒咪飯同咖啡都好好味呀! 好過迪迪尼多多聲!




場過雲雨一停，我地就去左兒童王國，唔係，而家係叫"威威天地"，不過因為好多機動遊戲都有高度限制，嘉嘉都唔夠高玩，而且啱啱又落完雨，連啲滑梯都無得玩，就係今日美中不足既地方。