Kaka 2nd Birthday@Disneyland + Hollywood Hotel (II)

休息左一晚之後，第二朝我地去左米奇廚師餐廳食早餐，呢度真係好熱鬧，有好多一家大細小朋友，竟然連食早餐都要排隊? 後來侍應生安排左另一個廳俾我地，呢度都幾好吖，又靜又唔多人，又唔駛等甘耐。

話明係 Mickey kitchen，梗係唔少得 mickey 造型既食物啦 ! 嘉嘉突然舉起隻手指公話 " 正 " ! 我呆左，邊個教佢架?




我地食飽左就再返過返去米奇廚師餐廳影張相.......呢度又真係靚啲既........




跟住上房換泳衣再去游水




但係就見唔到高飛囉，可能佢無甘早起身啦




不過都無礙嘉嘉玩水既心情，睇下佢玩得幾開心吖




今日輪到羊生較左個泡泡浴俾我同嘉嘉玩，不過太多泡泡喇，嘉嘉有啲驚.....




好彩趕得及睇1:00pm場 "史迪仔反轉大街show"啫，場show好短 (15mins)，但勝在夠熱鬧。而超能先生和神燈都是初次在香港迪士尼樂園登場架 !

迪士尼今個暑假用左史迪仔做主角，周圍都係佢啲裝飾，呢個史迪仔show，係有幾位公仔同大家一齊跳下舞，氣氛好好，必睇 !!




行左一陣，在城堡前又有一個「歌舞青春熱跳速遞」show，嘉嘉都有份參與~~拋籃球~~勁。不過一齊跳舞就仲未敢囉。




跟住又去左上次維修中的小小世界，坐著小船在河流上經過不同國家，怖置很精緻，而且沿途播著不同語言的「世界真細小」，可能嘉嘉好熟悉呢首兒歌，在音樂的襯托下，嘉嘉表現得很興奮。




嘉嘉最鐘意玩水，所以很喜歡這個玩水的小園地，其實有時最簡單的遊戲，對小朋友來說反而是最好玩的，而且玩水就是最好的消暑方法。今日真係好熱哦 !!!




呢度的車仔檔放左啲迪士尼人物電動吹泡泡玩具係度，仲會開動著吸引小朋友去玩 ( 買 ) ! 嘉嘉見到非常開心，即刻跑去玩左一輪泡泡。




又到 "水花四濺大遊行"，我地不甘後人衝去擺頭位，結果搞到成身濕晒。跟住去左睇「米奇幻想曲」，一齊戴上眼鏡 ( 嘉嘉第一次睇 )，結果嘉嘉被唐老鴨沖出黎既時候嚇親，即刻唔睇想走，我就除左佢副眼鏡 ( 無4D效果 )，跟住又有香味、又有水潑落黎，可能佢覺得好可怕 。




天氣勁熱，所以我都批准左嘉嘉可以食杯 ice cream .....  消消暑、降降溫。我地行到5:30pm左右，真係唔得喇，好攰呀 !!!!

唯有下次再繼續啦

期待到迪士尼的心仍然是熾熱的