望道號(Logos Hope)福音船書店

全球最大的海上圖書館船「望道號」(Logos Hope) 已經抵港，停泊在尖沙咀海運大廈，它其實是一艘福音船，負責到世界各地宣教。

「望道號」(Logos Hope) 是全球最大的海上書展，船上的書展部有超過5,000個廉價書目給大家看，包括科學、體育、烹飪、藝術、詞典、語言、哲學及家庭生活等書藉；另外特設兒童書目，如童話故事、教科書、字典及地圖等，總有你愛看的書！




Sunnie表姐都開始放聖誕假期了，所以我就帶埋表姐一齊去見識下呢個海上書展！！！




在迎賓區內，透過望道號簡介短片和模擬船艙，市民可以對「望道號」有更深認識。




這是「望道號」體驗層的區域，小朋友也可以體驗一下駕駛船隻，渟渟爭住要做captian 。




準備入去喇



好多人呀




好多書呀~~

呢個船上最大書展都真係幾壯觀，吸引左唔少市民參觀，搞到溫度好高，超焗！！嘉。渟逼住要除衫。




渟渟好快就揀到心愛書本，立即找了一個最佳位置打書釘。


 

船上的書價是以Unit計算，迎賓區有個小簡介會，清楚說明Unit的對換率，HK$1 等於5個Unit，所以一本 UNIT 100 書即是 HK$20 蚊喇！！

我買了很多小朋友的英文故事書，都只係 UNIT100/per (($20蚊港紙一本))，幾十本書埋單都只係幾百元，好抵！！




行完書店，有一段故事小展覽。




嘉嘉都要扮Captian




船上仲有一個Kids Corner，有幾位哥哥姐姐在扭氣球，嘉。渟又排隊扭了兩個。可能船上太焗空氣不流通，羊生已經開始黑面：我都唔知你扭黎仲咩((佢覺得自已都識扭)).....

羊生並不知道.....其實船上每個人都有不同的故事，他們都來自不同的國家，名牌上印有他們的國藉，替我們扭氣球的，是一個來自韓國的姐姐，嘉嘉剛剛在學校的民族服飾日，才扮過韓國人，學了幾句韓文，她記得韓國的標誌，跟姐姐說著英文和韓文交流著。



隔離有個Cafe，我諗住買少少cold drinks俾大家cool down下，點知黑面羊生又話：你做咩又買雪糕俾佢地食......((佢令到我都想發癲))




唔該你都 STOP！STOP！STOP！檢討一下自已o的臭脾氣！！我唔係你工人，我無受薪睇你面色！！




嘉嘉：呢度好重火藥味，我怕隻船會爆炸 ！！




最後影點




離開前有個工作人員借左頂帽俾嘉嘉影相，仲逗嘉嘉玩同傾計，氹得嘉嘉好開心。

其實船上每一個工作人員全部都是義工，在船上義務工作和到世界各地傳福音，他們大部分的工作時間都在海上，到了新的港口才能見到新的面孔，所以大家有機會記得同佢地傾多兩句計，比多D支持佢地！！！




落船時候行呢個斜梯真係驚驚地~~

其實我覺得呢個書展好有意義，以下有小小來自網上的資料， 希望可以介紹比大家知道~~

https://www.facebook.com/omships


詳情

日期：2012年12月17日至30日

開放時間：下午2時至晚上10時（星期日和星期一）、上午10時至晚上10時

　　　　　（星期二至六）、12月24日及25日休息

地點：尖沙咀海運大廈海傍

收費：港幣10元正。11歲或以下的小童及65歲或以上的長者費用全免、11歲或以下的小童必須由成人陪同參觀。

特別區域 : 小小世界

開放日:12 月26日、12月29日
開放時間:下午2:30 至6:00
詳情:與望道號的船員互動交流，認識世界各國不同的文化！