各位Blog友的平安夜是如何渡過呢??
今年我地就貢獻左個屋企出黎開平安夜Home party，天寒地凍，捉左嘉。渟落去百佳掃貨！！
感覺聖誕節，就是要很熱鬧很歡樂，不過有甘多小朋友，出街迫不如屋企迫啦。想在家中開一個小型派對，原來都有甘多野要預先預備~~~拎死人~~~
其實這個平安夜派對，我也是早兩天才收到通知，所以都沒有甚麼準備，怖置也很求其。
原本想order到會，想不到連到會公司也會full booking。
幸好我有Auntie呢個好工人，呢晚佢整左拿手既菲律賓蛋糕，沙律，瑞士汁雞翼，粟米肉醬螺絲粉，蜜糖雜丸，菠蘿腸仔，炒雜菜，彩虹jelly糖，仲有我地既朱古力噴泉，有士多啤梨菠蘿棉花糖做配搭~~~樣樣都好好味~~~
另外文姨姨訂左盒壽司拼盆，仲有甜蝦刺身，三文魚剌身，希靈魚剌身，仲有仲有新鮮海膽，真係好新鮮，好高質素，正到暈~~~
不過羊生今晚都要返工，所以我預先留起左一小盒俾佢做宵夜。
今年是姨甥女Anki((勁似男仔))的第一個X'Mas，紅姨姨特意替Anki換上這套漂亮的聖誕套裝，迎接她人生第一次的普天同慶聖誕節。
能一家人圍在一起吃吃喝喝，實是最平安最喜樂的平安夜！願各方好友Blog友聖誕快樂！蒙福蒙恩！！
好Pro呀個噴泉，好有酒店feel呢！
回覆刪除[版主回覆12/30/2012 23:53:56]呢個朱古力噴泉小朋友最開心
好彩看見妹妹平日仍然生猛活潑 開心又精神 都無咁令人心酸
回覆刪除[悅悅融融回覆12/31/2012 05:37:14]羊媽媽 妳好叻啊! 積極又正面!
[版主回覆12/30/2012 23:52:25]係.....渟渟而家成日都古靈精怪，愛引人注意，我每一天能看見她的歡笑面，就已經覺得好幸福，我叫自已不要亂想太多，倒可以換來多幾小時的安睡......現在我希望可以再儲肥渟渟，補充佢既抵抗力，建立起更強健的免疫系統以備不時之須。