收到培橋call waiting

終於都收到培橋call waiting list既電話，因為有些家長無去註冊，所以首先有人放左部份學位。今日call，明天就要去留位，考慮的時間很少。


在facebook徵詢了各方好友意見，支持反對各有聲音。考慮了一晚，我和羊生都決定給嘉嘉讀津校，慳錢之餘，又不用心肝舟車勞動，多啲時間休息，又始終有個妹妹跟尾，唔敢博，亦唔想博，唔想甘快逼渟渟，希望我個決定無錯。


雖然培橋係嘉嘉最想入讀既小學，但係自行又已經抽到屋企樓下間心水津校，不用等大抽獎之苦，而且，我地已經告訴嘉嘉((其實佢唔知培橋初初唔收佢))：嘉姐仔，你真係好叻呀，連屋企樓下間學校都想收你，你可唔可以俾個機會佢呀?? 不如我地去樓下報名吖((洗腦)) ......最吸引嘉嘉的，學校竟然有開輕黏土興趣班；最吸引我的，就是學校有劍橋英語報讀。之前我一直太介懷學校是否英小，怕接不上英中；後來有個當老師的客人告訴我，只要keep住俾佢接觸英文，她就不會怕英文了，我如夢初醒。


我感恩。想想如果培橋一早收我地，我地就無資格等政府自行派位，因為waiting，所以我們可以繼續參加自行，而且抽中了，難怪很多人說猶如中了六合彩。天父，我相信你，我把孩子都交托給你，一切都在你的安排之內，這是一所有信仰，校風好好的學校，一直以來，我都希望孩子是真心的、自願的投向你，而你就選擇了用這種方法，讓嘉嘉親自去認識你、接觸你。願嘉嘉可以得到你的帶領，在你懷裡繼續成長及經歷。


嘉嘉，媽媽相信你的能力，我和爸爸會好好幫助你，只要你keep住而家甘自律甘用功既讀書態度，媽媽就很放心了，而且媽媽不會要求你科科拎A，B+就可以了!!! 哈哈哈哈哈哈........


我現在宣佈，這場「小一硬仗」終於正式結束了！這真是天父送給我們最好的聖誕禮物。