Boxing Day

話說嘉嘉由上次去完爺爺嫲嫲屋企做節，姑媽同姑姐送左聖誕禮物俾佢開始.......嘉嘉佢每日都會去望下個月曆，數下究竟仲有幾多日先到26號.....

終於都等到Boxing Day呢日喇，嘉嘉起身第一時間就話要拆禮物 ~~~ 拆完自己果o的，仲話要幫渟渟拆埋，睇下妹妹收到咩禮物((八卦妹...))




嘻嘻嘻 ~~~其實渟渟對於聖誕節同聖誕禮物應該仲無咩概念，所以其實只有嘉姐仔自已一個人好興奮，不過渟渟見到嘉姐仔邊拆邊叫，就自已嘩嘩叫埋一份。

我唔知道嘉嘉相信聖誕老人呢個童話仲會相信幾耐，但對於每年只有生日同聖誕先有禮物收既嘉嘉，佢好珍惜呢個收禮物既機會，我成日提醒佢，聖誕老人只係會送禮物俾乖乖既小朋友。今年，心肝已經成功做左一個肯自已獨睡既小朋友！！((感恩~~不過最開心應該是羊生，因為佢訓覺時終於可以不需要再挨嘉嘉飛腳))




嘉嘉問我可唔可以即刻玩，我話OK，明年要繼續努力做個乖孩子呀！！嘉。渟都樂透了！！




雖然今年沒有時間跟嘉嘉整薑餅人，但是有姑姐仔送上的這一塊。。。。。。




明年還是自已整好了，因為我覺得自已整既好味o的。。。。。。