國慶日，家庭日@肇順名匯河鮮專門店

話說國慶日((Mon))是我的假期，可是羊生卻要去上班了，Auntie原本說不放假的((佢話驚我一個人搞唔掂嘉。渟))，我話我OK。

Auntie然後再同文姨姨講：你聽日過黎幫太太啦，你唔黎我唔放心架((咩意思?? 唔好阻住我親子添呀))

原本我已經plan定今日自已一個帶住嘉。渟兩個去荃灣廣場L5既Kids Carnival喪玩，點知文姨姨就拖左我肥爸同阿娘出黎....話要同我去行街((我無街想行呀！！我要親子呀！！))




當我打算同嘉。渟訓個晏覺先出動去Kids Carnival，文姨姨就衝左上黎我屋企，就連恩姨姨一家也一同來了！！文姨姨話係羊生急call佢上黎！！

哼！！打亂晒我個計劃！！我只不過喺羊生返工前多口問左句：點樣開奶俾渟渟之嘛！！

羊生邊教我邊說：真可憐~~~((又咩意思呢?? 是指我湊住兩個好可憐吖 or 渟渟好可憐呢  ? ))




我地唯有同公公婆婆姨姨無聊地漫遊荃灣




今晚娘親還要上班，於是我們便近近地在荃灣附近找店子開動，妹夫提議去稻香打邊爐，不過人太多了，怕阿娘趕不及。於是我們便過了隔離的食店~~肇順名匯河鮮專門店。

先黎甜品~~~流沙奶皇包和奶皇千層糕。




~~~~~生煎蓮藕餅~~~~~




說是河鮮專門店，所以大部份的菜式也是以魚為主，首先來個拆魚羹啦！！




生拆魚茸羹~~~粒粒魚肉、蛋白花、紅蘿蔔絲、粉絲、木耳絲及芫茜，咬口十足，味道幾鮮甜，不過胡椒粉都得幾重手！




沙窩魚頭~~~其實我湊住嘉。渟，都無試個呢個魚頭煲有幾差，不過我見阿娘邊食邊鬧，話好唔抵食！魚無四兩肉！好唔得甘wor~~~所以應該真係好麻麻地........




天下第一炒~~~個名夠晒「拋」，其實係腰果, 蓮藕片, 核桃, 西芹, 荷蘭豆, 紅蘿蔔, 洋蔥 etc 炒埋一碟，令人諗起大排檔的「小炒王」。




~~~~~炒白菜仔~~~~~




~~~~~雞煲~~~~~




~~~~~有回味豬手~~~~~




芝士大明蝦球伊麵~~~好細碟，而且芝士味道好淡，我肯定我整的芝士大蝦伊麵，一定比他好味！




完全想像唔到，呢間食店係由蔡瀾先生在他的節目裡介紹過，完全唔掂！好差！！

而且環境也不好，檯與檯之間好逼，侍應態度又差！！叫佢唔好喺BB隔離上菜，又話個度唔方便！D阿姐好似趕收工甘！！


服務真是... @@" 亂到不勘... 等位... 執台... 點菜... 上菜... 都不協調的...