李宗德後補有位

今日收到李宗德學校call後備生註冊的電話。


其實學校老師建議我們先去註冊，hold住個位先，不過我思前想後，個人覺得如果去了李宗德交留位費，便要放棄政府派位大抽獎，萬一嘉嘉考唔到其地直資-----即是嘉嘉五點半就要起身刷牙洗面食早餐，由荃灣坐去天水圍返小學 。


考慮了十五分鐘，我便致電李宗德推卻了，如果返天水圍讀，我寧願嘉嘉留在荃灣讀政府小學好了，起碼她不用甘辛苦 。


重點是，我一直打算嘉嘉上了小學之後，我就會湊渟渟返元朗讀幼稚園，一來我可以自已教番渟渟，二來我希望嘉嘉放學可以休息下，再專心做功課((如果嘉嘉返天水圍讀，五點幾起身，再等到我7點幾收工先返屋企做功課，太費時又疲累)) 。


我也不想渟渟留在荃灣讀幼稚園，除了不想渟渟繼續依賴Auntie，我知道渟渟在家((我又未收工))，嘉嘉一定會同佢玩到痴晒線，我唔想嘉嘉一上小學反而感到""hea左""，如果要 Auntie take care兩個，又做家務煮埋飯超辛苦。當然我最希望嘉嘉入到其他英文直資小學，因為甘樣Auntie仲可以幫我教埋嘉嘉做功課添!!! 雖然我勁唔想外判俾Auntie，無奈我仲未中到六合彩 。


雖然仲未有其他offer就推左間學校未免..............


希望嘉嘉唔止一間學校收佢啦........