陳守仁第一輪面試

這間學校非常受歡迎，是全英教學的直資小學，而中文科則是普通話教學，其中必修一科日文 or 法文。老師出名教得好，功課又唔多，有好多課外活動選擇，而家仲有埋泳池同音樂大樓，各方面質素都好好，最重要係學費平，只是$1xxx/mth，我唸陳守仁應該係每一位報直資必報既學校，真係可以用"平、靚、正"黎形容！！ 見每年報名人數，就知呢間係其中一間爭到打崩頭的小學~~~~


聽聞今年陳守仁一共收了5800+份表格，報名人數是歷年最高的一年。

嘉姐仔in 3:15pm，以小組形式進行，不設個別面試和面見家長。每組約6至8人，一位家長要留在waiting room等候看片，學校明明話要in一個鐘，不過我見有小朋友只是 in左 30mins 就出返黎 ((我肯定唔係質素問題，因為係成組出返黎))！ 但係嘉嘉足足 in左1hrs10mins，我都唔明點解時間相差咁遠。


嘉嘉出黎好開心((有糖食))，我問佢：你有無say thank you呀??? 嘉嘉：老師話唔駛say thank you架！成張檯都係糖，自已拎就得喇...


跟住嘉嘉仲話入去只係玩玩具，仲有 i Pad 玩，自已楝遊戲，佢揀左angry bird.......仲有寶寶巴士。


然後佢又話老師問左佢幾條問題，佢都""好醒""甘答左：sorry，I don't understand what a u say.......((係味上次去李宗德我贊過佢呢?? 我好肯定佢係唔想so老師，所以敷衍佢，我再聽到佢答呢個答案既時候，我真係超想""中""佢，佢係味玩野呢))


仲有笑料一則，我問嘉嘉：老師仲有咩問呀?

嘉嘉好快應我：都係你平時問嗰啲啦......

我：即係咩呀??

嘉嘉：香港特首係梁振英呀，海洋公園隻熊貓叫咩呀甘啦.....

我((開心地))：真架....((以為自已好叻，tip中題))

羊生：你信呀......

我((怒啤嘉嘉))：甘我一陣打電話問下老師先.....

嘉嘉((死晒狗))：唔好呀，媽咪，我講笑咋....

我頂~~~~  


老實講，其實呢個陳守仁面試，我真係以玩票性質去玩下((無一條龍，六年後又再撲過))，但係我地就當去見識下囉！估唔到呢度係用 iPad interview甘先進，聽說只有約700~800人可以進入第二輪面試，所以機會只是約20%，加上嘉嘉既描述，所以機會應該係0%。