培僑面試結果(2nd in)

今日培僑出2nd in名單，剛好我Day off----好得閒，所以等待的心情，真係令到人都癲！！未到5:00pm正，我已經上定去培僑個校網不停refresh個頁面，終於出左名單，有成19頁，我第一次睇係塭唔到有嘉嘉個名，心情勁低落；跟住再check多次，終於俾我見到喇！！


校網說明second in面試只需要15mins，有人說是單對單in校長，最好就是不用in家長(( ))。不過second in都有成750人爭120個學位，機會都係好渺茫.....但係，由19xx個小朋友裡面爭取到入2nd in，我覺得嘉嘉已經好叻女！！


我知道嘉嘉好鍾意呢間學校，我同羊生都覺得唔錯，學校計劃學習，唔需要谷得好勁，嘉嘉應該可以愉快學習，9/11是第二次面試的日子，希望嘉嘉可以成功啦！！