初嚐一拖二

因為一直由Auntie照顧渟渟，所以就算平時我放假，羊生又放唔到假既話，羊生是絕對唔放心((唔俾))我一拖二帶住嘉。渟兩個去街的((除非Auntie陪住我))




我承認我超級論盡同埋無乜安全意識，雖然係甘......不過我覺得自已就算一拖二出街都無問題，以前我阿娘一拖五都得啦 ！！！

其實我勁唔想Auntie同我地一齊去街，因為有Auntie在，渟渟一定會痴實佢，羊生又會依賴Auntie去take care渟渟，我真係好唔鐘意囉~~~可唔可以俾我地一家四口親子下?? 可唔可以俾Auntie休息下?? 可唔可以俾我自已親手試下，帶返自已兩個小朋友?? 你唔俾我試，又點知我唔得?? 雖然有個好工人，不過我都唔想做廢人！！！




終於，我成功爭取到呢個「母女仨」一起上街的日子！！

不過一路執野，我家Auntie一路話：太太，不如我同你一齊返元朗吖！！((連你都甘唔相信我))((哼！我唔會衰俾你地睇))




一拖二行程如下：首先嘉嘉早上返個畫畫班，我地就送嘉姐仔返學！！ 坐西鐵勁方便，兩個站就到，兩姐妹一齊去街勁開心 ！！




到嘉姐仔返左學之後，我就同渟渟行下街......




食下野......




返舖頭做下facial 休息下......




話甘快嘉姐仔就放學喇，坐巴士返屋企既時候，我開始有少少擔心，如果佢地都訓左覺我點算?? 好彩兩姊妹痴埋一齊活力充沛，全程玩無停。




帶著渟渟，是有點狼狽、有點麻煩，但看見兩姐妹間的交流，又感到很值得、很享受......

而且生性的嘉姐仔，真的幫了很多忙.....

我付出的，其實就只是體力和時間.....




話甘易就一日.... 試過今次之後，我對自已一拖二出街既信心大左好多！！

一拖二，應該好快就有第二次，Yeah！！

嘉嘉的「港女十式」

Sunnie表姐話，而家""後生女""流行擺既「港女pose一至十式」，無人不識，港女實識，你地又識唔識??

以上＋式由嘉嘉親自示範，不過影完又俾羊生鬧：好學唔學.......

Halloween Party@School

終於都等到31/10！！

嘉嘉唸的國際學校，會有很多慶祝活動，尤其是Halloween萬聖節，學校更會一連兩天舉辦相關的節慶活動，全校學生、老師、甚至校長也會扮晒野，齊齊穿上costumes 慶祝一番！！真係好鬼有氣氛！！




不過我今年就無特別為嘉嘉張羅搵衫，因為佢話想著返生日會時候，渟渟o個件Tinkerbell 扮小仙女喎~~~我只是為她劃了一些彩繪做裝飾，嘉嘉已經好享受了。




每年的萬聖節巡遊，穿上萬聖節服裝的小朋友，都會在學校附近商店繞一圈玩trick-or-treat。




當天好多家長都會抽空出席，好不熱鬧.....學校週圍都堆滿晒人，個個都特登過黎睇下自己既仔女，所以當他們列隊走出來時，父母都歡呼喝采，場面很開心，我很感恩，三年來都能分享這麼開心的一幕。




嘉嘉的收穫不錯




今年我也來準備了一些糖果，參與一下派糖活動。




而羊生就扭了一些氣球，由文姨姨派發給小朋友。




巡完一圈後，跟住小朋友就返學校繼續party，在課室裡玩trick-or-treat。

明年升上小學之後，到時應該再無呢o的halloween party了，希望嘉嘉今年玩得盡興o的啦！！


 

放學見到好多嘩鬼小朋友~~~個個都甘有特色

有型到......我忍唔住要求左兩個同學仔，迫佢地同我影相呀！！

好好玩呀！好鐘意Halloween呀！

萬聖節摺紙特集

萬聖節快到了！我和嘉嘉在家中摺了四個應節的Halloween代表物： 有黑暗出現的蝙蝠，骷顱頭和鬼鬼、還有南瓜。

其實要摺這四種東西，難度不高，摺完後再給小朋友""創作""一下，就可以很有""搞鬼""效果，都幾得意架！！！


一、骷顱頭skull（難易度★★）
這個骷顱頭最好用白色紙來折，折完後畫上大眼窩，效果很強！





二、蝙蝠bat（難易度★★）
蝙蝠用黑色或深色紙來折，更有氣氛，好像真的要飛起來了。





三、鬼鬼ghost（難易度★★）
這些鬼鬼給嘉嘉裝飾了後，嘉嘉把他們畫得太可愛了，一點也不恐怖。





四、南瓜Jack O' Lantern（難易度★★）
南瓜則可以用橙色、黃色的紙來折。







嘉嘉，爸爸真的很愛妳，半夜一點了，還為妳明天送給同學的發光糖果做加工，每枝都貼上了妳Halloween造型的名片。




這天放學後，同學們都滿心歡喜地跟嘉嘉拍照。然後，他們都拿出嘉嘉的發光糖果來""影埋一份""。還有，羊生扭的氣球((相片中的狗狗已散了))，極受小朋友歡迎，這都是令嘉姐仔覺得很得意的事情。


嘉嘉說：「我告訴同學，我爸爸會扭很多氣球哦，我的同學都很羨慕我呢！大家都說：『好好喔』」~~~~何止你的同學，就連媽媽我都很羨慕妳，因為妳有一個如此愛妳的爸爸 。

至於羊生，很受呢！！ 爸爸---真的是很容易被女兒的愛灌醉 ~~~~

我愛十月之Halloween

萬聖節將至，商場陸續有應節的佈置，週圍充滿著一些鬼異的氣氛來迎接Halloween。。。




嘉嘉等到頸到長埋，10月頭問到10月尾.....幾時到Halloween呀??

終於恨到啦。。。




畫畫班今個星期亦以萬聖節為主題，嘉嘉畫左科學怪人。。。




嘉嘉上黏土班做的小手工，雖然我一直覺得上黏土班好""廢""、好""side""錢；不過我不得不承認，嘉姐仔真係好鐘意返黏土班，有時我o係完堂前早左少少到，在門外望入課室，見到嘉嘉真係好認真甘上堂。

我唯有對自已說，或許這些手工藝課程，可以讓嘉嘉增加一些""生活""情趣，並能舒解她的""壓力""之感((是她給自已的壓力，唔關我事))。。。




每一part都是嘉嘉親手做，而且做得好細緻，我好欣賞。

我打算執執屋企個大書櫃，用一格專放嘉姐仔做的手工。。。




今個Halloween，我跟嘉嘉在家摺了一些應節的圖案，貼在會發光的糖果上，很有鬼異的效果 。。。

下一篇，我會詳細加入製作方法。。。。