難得的二人世界

保母姨姨話明天(SUN)想帶埋嘉嘉去教會的秋季旅行，因為一早起程的關係，所以嘉嘉前一晚就在姨姨Home留宿。

而羊生就Join左個course，@ (SUN)會離開香港一個星期，於是.............

我地兩公婆居然意外地可以..........喺羊生離開前擁有一晚的二人世界，實在太感動了 ，多謝姨姨, 姐姐, 多謝哥哥幫我地照顧嘉嘉呀  !! 哈哈.....我梗係唔會放過呢個機會，乘機同羊生去拍下拖啦  。

我地收工之後去左青衣城睇戲，揀左套「我女友係007」，原來佢係一套韓國喜劇，好鬼多爛 gag，笑到我眼淚水都出埋，哈哈........

自從嘉嘉出世之後，我同羊生都無再去睇過戲喇........上一次睇係嘉嘉出世前一日，嗰晚一齊同Sunnie睇完「史力加 2」之後，個肚成晚就唔舒服，然後就入院，都成兩年幾前...@@呀 !!

我覺得今日好有拍拖 feel 呀 .......仲學啲妹玩自拍



呢個係烤雞沙律

田螺焗薯

羊生至愛的至尊 Pizza

My 士多啤梨咖啡冰

返到屋企再嘆番支香檳
，同羊生享受下久違了的二人世界