星期日紅姨姨同姨丈話想帶嘉嘉去街
嘉嘉梗係話好啦!!!
原來紅姨姨同姨丈帶左嘉嘉去玩具反斗城
想提早揀定聖誕禮物俾佢
之後紅姨姨同返我講....
嘉嘉話屋企咩都有
唔駛買o野俾佢喇
其實自從嘉嘉返學之後
我已經清左佢好多玩具
但原來嘉嘉都仲覺得屋企有好多o野玩
媽媽很感恩有你這一個知足的女兒
希望妹妹都能跟你一樣
同時也被姨丈拍下饞嘴的罪証
2010年11月29日 星期一
好學生的故事
這天放學，我如常的接嘉嘉.....
見到嘉嘉好似眼濕濕........奇怪怎麼嘉嘉會哭?!
好了...準備接走嘉嘉了....
老師就對我說 : Gloria上個星期表現都幾好，就是今天有些小犯錯，所以這星期就拿不到"好學生"~~當我頒"好學生"給另一位同學時，Gloria就委屈地靜靜哭了，初時我都不為意，後來才發現並解釋一番，其實我見到Gloria都好乖，知道佢對"好學生"好上心......(下删一百字....)
平時勁少喊既嘉嘉竟然為了個"好學生"牌而哭，作為媽媽的我.....其實.....是否對嘉嘉太嚴厲了?
回家後，跟羊生細細研究... 羊生說，不要給她太大壓力了啦.....
我真的給了太大壓力給嘉嘉嗎?? 我承認對嘉嘉是有點期望的，因為我知道她會做得到......婆婆都是用這套來教媽媽的，每次都要拿一百分，9x就要給挨打了，現在媽媽又用這套來教你....是太過時了吧??
作為媽媽的，倒是心痛嘉嘉為了一個"牌仔"而哭，應該是怕我知道又得不到"好學生"而唔開心吧!
想起老師的說話，自己也有點慚愧.....『難道說給老師聽是自已給女兒壓力了嗎?』 .
最後，看著嘉嘉眼眶未乾透的眼淚，還不停的道歉，說 : 媽媽，我又拿不到好學生喇.....
我自已都想哭了....抱起了嘉嘉，輕輕的說了一句: 『媽媽知道你好乖，其實有無好學生都唔緊要，老師成日都同媽媽講Gloria好乖架啦~~~可能其他同學仔比你再乖少少，所以老師就俾左佢先，不過甘樣都唔代表嘉嘉唔係好學生嘛~~~o係媽媽心目中，嘉嘉都係好學生，嘉嘉都好乖，媽媽好開心，因為嘉嘉好叻好聽話，唔駛為左個好學生甘小事而喊架~~~嘉嘉係一個好堅強既小朋友』
嘉嘉 :『我知道喇，甘你唔好唔開心，我下次再攞俾你吖!!』
傻豬，唔開心o個個係你呀....你仲咩安慰返我 
2010年11月27日 星期六
公益賣旗日
這個星期六，是嘉嘉第一次體驗賣旗的活動，心肝很興奮地拿著一疊""貼紙""。
親子賣旗-------一家四口都參與了，前一天羊生還在家中和嘉嘉綵排賣旗的實況。
每次的成功都給嘉嘉打了一支強心針.......相反，遭人拒絕的時候，心肝的樣子就顯得很失落。
有些人在遠處看見嘉嘉，己經準備好碎錢搶住入落錢袋；更有些好人慷慨到入五十蚊一百蚊紙；有些人即使本身已經買了旗，但看見嘉嘉這麽小都站在街上賣旗，所以都不介意再買一次以支鼓勵；也有些人停都唔停低買，還黑口黑面說你阻街
........
其實對於小義工來說，站上街上幾小時也頗辛苦，所以嘉嘉開工不久便收工了，雖然收入不多，不過，始終也是嘉嘉第一次體驗做善事的樂趣。
2010年11月22日 星期一
2010年11月20日 星期六
瘋人玩phone，玩物喪志
一直以來，我都很討厭那些手提式的遊戲機如NDS或PSP之類，特別是小朋友，拎住部野去到邊玩到邊，坐埋一邊唔打招呼唔肯睬人，我覺得好無禮貌。
我對自已說過一定不能讓嘉嘉沉迷玩這些遊戲機，因此我所有的遊戲機都轉讓給弟妹了，只有去旅行才"問"姨姨舅父"借"給嘉嘉玩幾天。
早前羊生都加入了iphone行列，Download了一些簡單的遊戲給嘉嘉過癮一下，羊生說有很多遊戲都很適合小朋友玩，不過我就覺得還這麼小的孩子應該玩些「真實」的玩意，而不是虛擬的東西，網上的遊戲花臣何其多，我倒不想嘉嘉玩踢波玩賽車過關超勁，但現實生活中卻是個四肢笨拙唔願郁的豆腐白痴。
這天在等開飯的時候，嘉嘉又吵著要玩 iphone，有人爽快拿出之後，嘉嘉玩著玩著，玩到人齊了多時都無為意，都仲掛住玩，唉......
食飯一圍檯幾部機齊齊研究齊齊玩，嘉嘉仲好似好有經驗咁教返姨姨姨丈點玩，真係....#$^*@&......要不是親眼見到，真的不知道一部 iphone....竟然可以引得老中青幼齊齊都肉緊起來。
個衰女o的game玩過一次之後就識得點玩，點樣過關，不過我情願見到嘉嘉係拎住本書，而不是呢舊電子野......
現在每一天嘉嘉最盼望返舖頭 (玩文姨姨o個部)，放工羊生又能經常在她身邊 (以前都未見過嘉嘉原來有甘掛住爸爸架!!!哼!!!)，每當羊生回來的時候特別好服侍又賣口乖，為的就是爸爸袋中那部 iphone，用「上晒腦」黎形容嘉嘉一點也不為過，就連行過電話舖見到o的iphone殼，都不時會興奮尖叫「 iphone呀~~~」，望一望，咩呀?? 根本只是個殼之嘛...
週圍都係魔鬼，令人防不勝防；洗濕左個頭，唯有和嘉嘉約法三章，做到一定的要求才可以玩一陣~~~啦~~~ (長嘆)~~~~~~
2010年11月18日 星期四
2010年11月16日 星期二
2010年11月15日 星期一
嘉嘉的新晨褸&睡衣
一直都想買件晨褸俾嘉嘉，呢件princess晨褸軟林林，摸上手好軟熟好暖呀~~~o岩晒皮膚差既嘉嘉著，超舒服!!!!!
洗乾淨左就俾訓醒既嘉嘉著......
5mins後清醒左既嘉嘉即刻有返笑容......
仲有添左好多家居服
保母姨姨都買左套princess睡衣俾嘉嘉呀~~~Thank You~~~~
訂閱：
文章 (Atom)