掘蜆初體驗

今個夏天，嘉嘉已經率先在沙巴下水禮；香港呢，都仲未開始呀~~~難得今日放晴，我地就走左去沙灘......掘蜆 !!! 我甘大個女都係第一次掘蜆咋 !! 其實早兩個星期已經同嘉嘉plan左，不過成日都落雨，搞到嘉嘉好鬼失望 !!

我地o係東涌坐11號巴士，大約30分鐘就黎到水口球場落車，四週圍乜都無，仲諗緊自己有無落錯車， 因為全車就只得我地三個人在這兒落車嘛 ~~落車後，沿著球場右面的小路一直行......大概行一分鐘左右就到喇.....

然後就見到呢個超級無敵水口灣喇!!!!!!!!

羊生一朝早就上天文台個網站check左今日潮退既時間，係11:45am~~一定要做足準備，如果唔係就會白行一趟 !! 睇下 !! 而家仲係水退緊架~~個地方真係超大 !!

我地首先o係附近士多租左o的掘蜆工具同凳仔

嘉嘉o個份就係私"嘉"既

點解要山長水遠入黎大嶼山掘蜆?? 因為貪水口o的水質乾淨，掘完o的蜆可以安心攞返屋企食，好野 !! 好興奮呀~~~~開工 !!

即刻擺陣招呼嘉嘉玩先

真係有架 !!

仲好容易就掘到添 !!

都幾大隻架 !!

不過今日水漲得好快呀，一陣間o的水位已經升得好高

估唔到勁快潮脹，唯有執野再退後一點

今日掘蜆呢個任務就由我負責，我彎低身係咁掘，好雀躍...

梗係...我諗住今晚"全蜆宴"架

羊生話我掘得好陶醉 ，越行越遠

嘉嘉同我講話發現有好多.....

 唔同樣既蟹仔

羊生仲捉左2隻返屋企養

 

諗諗下今日明明係親子日，都係返埋位陪嘉嘉玩先

其實越近o的蜆就越細隻架

不是都係陪嘉嘉玩緊要o的

羊生就影相最緊要，影到我走光要左遮右遮

收穫認真麻麻

不過都夠咱們"嘉"食既...

因為已經水漲，所以我地只係玩左個零鐘就走Lu~~

嘉嘉話肚餓，o係士多再幫襯左碗餐蛋公仔麵($20)+一支利賓納($10)，而且呢度不是公眾泳灘，所以係無沖身設備既，士多可以沖身，盛惠$10，真係賺鬼死佢  !!

嘉嘉今日玩得好開心呀，相信短期之內，咱們"嘉"一定會再去多一趟(或更多)，因為本小姐今日既收獲太少唔忿氣~~