又坐飛機去旅行

太快了，我們這一"嘉"又準備去旅行，等我解釋一下吧!!!

因為Sunnie表姐係未試過搭飛機去旅行，成日都好羨慕嘉嘉，覺得嘉嘉甘細個都坐過兩次飛機啦!! 所以婆婆一直都好想"成全"佢，終於在這個暑假~~~婆婆決定帶Sunnie表姐去搭下飛機。

適逢今年泰國局勢剛平息，即使暑假旅行團都不是太貴，所以婆婆就慫恿我們這一"嘉"一起同行，但係沙巴之旅我已經駛左唔少$$$$$，真係唔想去得甘密，所以婆婆再"利誘"我地，我地終於都妥協左。

雖然又要再駛多一筆，有少少肉赤，不過我都擔心婆婆搞唔掂Sunnie，而且我自已都十分珍惜跟媽媽一起去旅行，所以肉赤都無辦法啦。

因此，就造就了三個月去兩次旅行的奢侈安排，去完以後，我一定會乖乖用心工作，照顧家庭，好好儲蓄的了。

今次我地仲打算join埋姨婆表姨去，一行八人齊齊去玩，今次有咁多人服侍嘉嘉，我同羊生一定可以輕鬆好多 ~~~