其實已經懶惰了一個冬天+一個春天，實在不想晨早起床重過那些"陪女上堂"的日子， 而且仲要就到我返工時間和地點的.....實在是少之又少。
終於....找到了這一家 !! 課程的內容，深深的吸引著我.....這家中心有學前預備班，師生比律是1:4，sell專業兒童心理學，協助幼兒認知發展，For3歲以上的小孩參加.....
嘉嘉都不過係差幾個月，或者可以來個"例外"吧?! 老師就話要約我們進行一個小評估，看看嘉嘉是否適合這個課程....
今天10:00am準時到達，其實時間都不大好，因為嘉嘉 (仲有我 
當我推門走進中心，第一個感覺......嘩!!咁..... 細既?! 沒有豪華的裝修，連房間的門，也只是"摺門"，很"屋企"的那種...... 老師請我坐埋一邊，坐的都只是一張"小孩椅子".....第一下的所有感覺，其實並不好 ... 不過....整個單位都有窗，有自然光，其實也不錯 !! (都上到黎....唯有自我安慰 
跟住就係進行了一個簡單的評估...
做了一些情境式的"砌LEGO"遊戲....
做了一些家家酒的遊戲....
做了一些認顏色的遊戲.....
做了一些大肌肉小肌肉的遊戲....
45分鐘後....老師就決定結束評估了!
老師: 『媽媽依家上緊咩類型既PG?』
老師: 『我地既模式其實係....... 未知媽媽你覺得是否適合?』
老師: 『發現嘉嘉既語言能力比同齡既小朋友都比較唔錯，但係數學概念同空間感就比較弱，唔知媽媽覺唔覺得?』
老師: 『其實我地既班都好彈性，而且會因應小朋友唔同既需要同埋發展情況而安排返適合佢既工作/活動』
老師: 『我地每堂都會為小朋友寫一個Lesson Plan，所以每堂教既野都會有o的唔同，因應返佢既反應同埋需要囉!』
老師: 『暫時我地都會先安排一人上課，等佢慢慢適應同我地相處... 進度理想既，就可以上埋科學堂....不過媽媽放心，收費都是一樣的!』
老師: 『我地一個月課程為8堂，如果有請假/病假，就會o係下個月你交左學費後安排補堂，如果上課日遇上紅假就會視乎情況，但堂數是足夠的，不會因為放了假而無得補堂!』
....................
最後，我付了一個月的學費，其實中心的環境和課堂的語言(母語)，都大大打了一個折扣....跟之前嘉嘉返的PG相比，實在.....差太遠 
其實我都很認同老師，嘉嘉的數學概念，是比較弱....尤其是要她逐個慢慢數，一定是沒有耐性....空間感不好，創作能力也不好，老師建議回家要多玩一些Lego===>一定要是Lego這個牌子，原來老師話只有Lego牌積木的鬆緊度，才能多鍛煉手指的肌肉，這點也很重要，關乎將來寫字的能力。
老師: 『嘉嘉既肢體韻律比較弱...』
不是說拍節感，而是說肢體配合上音樂的動作，能否協調......這點我也有點迷茫....真的這樣差?!
.
評估後，其實我是有一點的失落....原來我一直以為嘉嘉有的小聰明，卻只有我自已才看得到......儘管如此.....亦是否真的如她口中所講，會慢慢協助嘉嘉解決她的小問題.......
即管看著瞧吧....
沒有留言:
張貼留言