向沙巴進發 (Day1)

(2010-5-10  MONDAY)

我地今次係 join左永安團坐馬航機，因為全部馬航只有下午航班，原本我都以為可以好hea甘嘆埋個早餐先出門口，點知最後我地都係趕到"C"，明明一點鐘要到機場報到，但係我地一點仍在途中。

真的是貴人出門招風雨，唔驚唔驚....我們是向陽光海灘的沙巴進發呢 !! 再過幾個鐘......我們就可以曬日光浴了 !!!



好彩都仲有少少時間俾我地影下相啫!!!! 睇下嘉嘉心情幾靚不停擺 POSE



我地今日仲著埋母女親子裝添 ~~ 我地要準備入閘喇 !!  又係媽媽帶你去行萬里路既時候......

知道嗎? 到達機場的時候，導遊哥哥告訴我們看過沙巴的天氣預告，知道整個旅程在沙巴幾天都要下雨，還叫我們落機時侯記得準備雨傘，我聽了之後心情很低落 !! 我唔想落雨呀 !! 我想要藍天白雲 !!



今次被分配到的閘口是521，是新近用的"北衛星客運廊"，旅客要於一號客運大樓地下，再乘坐接駁巴士前往飛機上.......搞笑事件發生喇~~事緣嘉嘉可能太興奮，o係機場唔受控制，我就叫嘉嘉返婆婆屋企，曳小朋友無得上機架.....跟住當我地要上呢架接駁巴士既時侯，嘉嘉就點都唔肯上，喊住話 :"我唔坐巴士呀~~我要坐飛機~~我要坐飛機~~" 

最係我係要執佢上車既 ..........

乘坐直飛沙巴只需要2:30小時，所以好快就到



唔駛轉機，好過浮羅交怡



香港的雨水 ~~ 一直不停地下；沙巴的太陽 ~~ 會出來嗎 ??



上次嘉嘉去浮羅交怡的時候未滿兩歲，不用付足團費，所以只能抱著坐。今次是付足團費呀 $$$$ ~~~所以就有位坐囉。



嘉嘉的兒童飛機餐

我的飛機餐



個餐應該都幾好味....我見嘉嘉食左一大半

最開心應該是有薯片和果汁吧 !!...



嘉嘉超級眼訓，食薯片的時候......雙眼已經按不住閉上，個頭又"宗下宗下"，但隻手仍懂得不停地拿薯片食，個口又懂得不停地咬，Oh......CRAZY GIRL ~~



昏迷中



窗外的黃昏



就快到喇...此時crazy girl已經起左身



沙巴的上空

從照片中看不出這時的天氣不算太好吧?? 我們一到步可就下起大雨來呢 !! 我的心真的很灰很灰.......雖然我們的酒店是美，但總不能五天都躲在酒店吧??

而且不是下雨甘簡單，是傾盆大雨 !!! 我扁咀了 !!! 羊生安慰我，或許明天就會放晴呢 ~~~