we嘩充氣嘉年華@荃灣廣場

就復活節假期落足成個星期雨，我真係好無奈。。。今日係兒童節，見有返少少太陽，我即刻帶嘉。渟兩個過左去位於荃灣廣場的室外遊樂場，o個度有個we嘩充氣嘉年華，雖然羊生今日要返工，不過對於已經((一拖二))左成個星期的我，根本無難度 ！！




極速出門口，極速去食飯，食壽司！！最快又唔駛等！！務求趁太陽伯伯((收工前))，可以同嘉。渟玩番轉。

因為確保小朋友安全，所以下雨期間是會關閉室外的遊玩設施，要待停雨後才會重開。

食快o的！！食快o的！！




妹妹要求食""餸""唔食飯，我睬佢都傻！！唔好以為扮可愛就可以大肆放任 ！！




想玩遊戲就需要首先現場買票，$100 / 疊~~~有 10 張遊戲券。




我地買了 2 疊，送了一頂動物造型帽。




每個遊戲由$20 ~ $60不等，這個充氣城堡彈床已經最划算，$30 / per ~~~10mins




妹妹好期待。。。。每一ROUND都有限制人數，確保小朋友玩得安全和舒服。




終於輪到嘉。渟了，嘉姐仔勁心急，自已除完對鞋，""拿拿林""幫渟渟除埋一份！




為甚麼小朋友極愛跳彈床?? 嘉。渟入到去發哂癲，跳跳跳跳跳跳跳~~~

嘉姐仔勁玩之餘，都不忘替我照顧妹妹，勁感恩！！




嘩嘩嘩~~~呢條 Mo 仔好巨型，佢一條魚就分左3個活動區，分別係彈床、攀爬及滑梯。小朋友爬上Mo仔口入面，之後風機就會啟動開合，小朋友就會好似比條魚食左甘！然後由高處slide滑~~~返落魚尾！

不過佢好貴，要$50 / per ~~~5 mins




可能太震撼，渟渟唔敢爬入去，嘉嘉就自已玩左N次！！




除了5/F的露天廣場，其實地下商場都有唔同既遊戲攤位，其中呢隻就係由美國 Homemade 的仿真乳牛。。。。




呢隻仿真乳牛，手工好精緻，佢可以俾小朋友學下點樣揸牛奶，而且佢仲識得好似真牛牛甘叫添 ~~

小朋友可以一嚐揸牛奶的滋味，從而學到牛奶是從牛牛來，而非包裝盒內，其實都幾有教育意義 ~~




$30 / per ~~~10mins。。。嘉嘉就""揸""得好開心。。。。




事實上呢個歡天喜地的親子時光，我真係覺得好貴囉，因為係逐樣遊戲計錢。。。。




仲有渟渟點肯""揸""甘耐奶！！不過嘉嘉有份佢點肯唔玩?? 負責人話就算點下個奶頭都要收錢(($30))，勁唔抵呀！！

無奈天天都下雨，嘉。渟都悶透了，唯有在鬧市中買來一些快樂((代價真高((貴))))！！




還要在收費計算那10mins內，已經包括了拍照時間 。




另外，這兒還有一些手工藝攤位給小朋友做手工，小手工款式好趣緻可愛。




自已親手做的，成功感滿分！ ！