扶康會義工化妝

前陣子跟妹妹去左扶康會幫手做義工，是次活動主要為舍友們化妝， 然後出場表演......

事後還收到扶康會寄來的35周年紀念聾貓郵票作為謝意，o的郵票都幾靚wor，真的沒有想過，我這門手藝原來也可以用來做義工呢!!




那班舍友們都很熱情和搞笑，感覺就好像小朋友似的，大家在化妝後都面帶笑容向我們道謝，這次的經驗挺不錯....

用自已僅餘的才能為別人帶來歡樂，自已快樂的同時亦帶來很大的滿足感！！

有時間做下義工都真係幾開心。。。。

迷霧中的晚餐@山頂峰景餐廳Cafe Deco

這個4月份的天氣，幾乎天天都下雨，所以上到山頂都係一片迷霧，能見度好低，又大風，不過今日無落雨都已經執到喇。。。。。




我地o係廣場週圍影下相，嘉嘉對呢部山頂纜車實物舊車好有興趣。。。。。。




原來上一次到山頂 (Click Here) ，已經是三年多前的事，時間過得真係快。。。。。

寫Blog的好處，就是可以隨時翻查往日的舊蹤跡，六年前，我們也曾經帶Sunnie來過(Click Here)，我的姨娚女，真的長大了不少哦！！




剪髮。。。。剪髮。。。。仲要剪 ????




今次我地無入去蠟像館，知道嘉。渟對蠟像應該都唔會有咩興趣((可能仲會嚇親添 ))，所以我地只係四圍行下。。。。




然後去左山頂個兒童遊樂場玩。。。。求其一個可以俾佢地任跑任玩既地方，小朋友已經好開心。。。。




山頂個迪士尼售票景點無左喇，而家改為一個叫「傳愛到未來」的新奇玩意！

這裡為遊客預備了365天的信箱 (每一個信箱都掛上不同日期)，讓你隨心意選擇於未來那一天將明信片寄出，將你的愛語「準時」送到你的摯愛親朋。

我地o係Hard Rock 精品店買左幾件衫同精品，仲獲贈了一套限量版「山頂我愛您」的明信片，於是我就寫左張明信片，扔入七月一日的信箱送俾嘉嘉。




在決定唔跟車回程之後，我就即刻打左電話去山頂峰景餐廳【Café Deco】訂位跟阿娘吃晚飯。我仲要求左一個窗景位，話晒第一次同阿娘上山頂食晚飯，希望可以俾佢望到個靚靚維港夜景。難得餐廳""盡量""安排到我地坐近windowsssss，真係好幸運。。。。

無開紅酒，先黎一jar西瓜汁塞住小朋友個口。。。。。




羊生無酒不歡，連嘉嘉也知道：爸爸實係要叫酒飲啦，次次都係架啦。。。。




我地刻意提早6:30pm入座吃晚飯，趁天未黑可以影多幾張""較清楚""的照片，嘉。渟一見到個candle，即刻想吹熄佢 ，我話唔好呀，叔叔鬧架！到時好樣衰架 ！！




一坐低，侍應就替嘉。渟送上顏色蠟筆，讓她們自已玩個夠，我地就專心揀食物。




其實Candle Night Dinner唔一定只係o岩情侶 / 夫妻食，仲可以同爸爸媽媽食，那曾經在你身上用心照顧、包容再包容的父母，不是更應該值得花心思去陪伴 / 回報他們的愛嗎?? 一些摯友很早就失去父 / 母親，我慶幸自已不算愛得太遲。

不過今日((晚))勁大霧，真係有少少掃慶~~~




知道阿娘最近愛上吃沙律~~~




渟渟好醒目，即刻一秒一拎起左隻大蝦 。。。。。




放左入口嘆 。。。。


 

Seafood Pizza，好多料，吃起來相當滋味；薄餅本身則是較稔身的種類，整體黎講是中上之姿。




煙肉芝士意粉，見嘉。渟吃完又再添吃~~~




BBQ Back Ribs，份量不小，好容易切開，而燒汁味道岩岩好，很有水準~~~




羊生勁迫Sunnie同我地影相，以手機像數來說，質素都算唔錯啦~~~~




好欣賞餐廳設有kids corner  ，嘉。渟可在此開心玩樂。




是日我地甘就過了一個溫馨滿足的親子天。


從峰景餐廳望出去的山頂夜景很美，自己一直也很期待，但是配上這樣的天氣，還真是有點可惜，不過餐廳食物的質素 + 三隻小鬼開心攪攪震 + 阿娘的陪伴，這一夜，我心裡真的感到無限欣慰。


其實父母健在安康，做子女的可以陪他們走走玩玩吃吃喝喝，已經是我們最大的福份，我不覺得自已好孝順，因為我仲要自已父母捱世界 ，只是有空多陪陪他們，可以令他們平淡的生活，添上一些色彩。


吃過晚飯後，原本我們想搭山頂纜車回去，但是人實在太多了，我們唯有坐巴士下山，巴士轉來轉去，轉到我們全部人都睡著了。

【峰景餐廳】Café Deco

地址 : 山頂山頂道118 號山頂廣場1 樓1 - 2 號舖
電話 : 2849-5111

體驗本地一天遊

今日同媽咪參加左Sunnie學校舉辦的『親子一天遊』，每位費用-HKD80，仲有包一餐自助午餐，真係抵！抵！ 抵！$$80包食包車包領隊，我地由元朗出發過海再上山頂，其實車費都唔少呢。。。。

學校 join左油麻地旅遊，我地都係第一次參加本地一天遊呢。。。。




第一站---灣仔金紫荊廣場！！其實嘉嘉恨左去金紫荊好耐喇((幼稚園K.2書有介紹過 ))

講真我從來都未去過囉~~haha~~真係仲大鄉里過o的內地同胞呀 ！！




然後 11:00am 我地就去左龍堡酒店食自助午餐，食物種類不多，而且味道麻麻，嘉。渟吃得好少，有可能是因為太早起床無乜胃口((平時嘉。渟11:00am只是剛起床。。。。。))




各位Blog友可能會覺得，身為香港人，「 有 咩 地 方 我 未 去 過 ！ 」，但原來香港仲有好多地方，我都真係未去過，原來淺水灣隔離係有個觀音像，我去左十幾廿次淺水灣都唔知添 。。。。




我同嘉嘉講：媽媽都係同你一樣，第一次參觀呢個觀音像。。。好大個望海觀音。。。




有羊。。。。。




三""羊""啟泰！！




行過長壽橋，仲有一個萬壽亭，老人家最講""意頭""，我阿娘不停要影相，隻隻""公仔""都要摸下先安樂......




仲有""少少""時間玩公園，去洗手間。。。。。。。




下一站就入左赤柱，導遊話我地只有30分鐘，大家要準時上車，我終於明白甚麼叫『行程緊密』，我地連去赤柱大街嘆杯啤酒既時間都唔夠，行去美利樓影下相都嫌遠，只可以o係附近麥當勞速食，俾阿娘飲杯咖啡叉下電。。。。




之後我地上左山頂，山頂係最後一站，導遊話我地可以自行決定跟唔跟車走，阿娘話跟車走，可以慳返o的車錢。。。。




不過我覺得既然上到黎(( 知道阿娘話有成1x年無黎過 ))，我地不如行耐o的(( 因為導遊只給我們45分鐘時間逛 ))，渟渟又末黎過，都係第一次上山頂，好想同佢地搭下纜車、睇下夜景。。。。




可惜今日好大霧，景觀不是太好。。。。。。

《《 待 續 》》 。。。。。。。

嘉嘉剪短髮

這個夏天，把嘉嘉留了大概三年的長髮，忍痛剪短了。。。。

原因是。。。。


本篇網誌設定為私人網誌，只限關注了我的朋友及親人，各位好友請先用自己戶口login，然後按以下連結瀏覽全文。


嘉嘉剪短髮
如登入後按以上連結，仍未能看到網誌全文，可能是我未將你加入成為好友，請留言通知我加回你成為朋友，不過暫時不接受空白Blog。

嘉嘉剪短髮

嘉嘉的頭髮留了很久，大概有三年吧?? 記得2010年沙巴回來之後發現懷了渟渟，脫髮好厲害，於是我把頭髮剪短了，然後，嘉嘉說要陪我一起剪，所以順便也把嘉嘉的頭髮剪短了。

自知嘉嘉的樣子並不美，要靠一些""造型""配搭看上才過得去，明明都知道，短髮並不適合女兒。。。如果我告訴大家，其實我要替嘉嘉剪短髮的主因，就是不希望女兒『比較好看』，你們會不會覺得我""好變態""??




嘉嘉在學校是勁受歡迎，我沒有誇張，班裡起碼有五、六個男孩子表示好鐘意嘉嘉((分別由男同學及其父母告訴我))，現在的孩子是不是太早熟呀?? 由小到大，我一直堅持沒有跟嘉嘉看過一本王子公主的童話書，那些充滿幻想的故事，我總認為是父母間接薰陶了孩子的早熟，經常問孩子有沒有男女朋友 / 老公老婆，老實說，我真的很反感！！有個家長媽媽說她的兒子想我嘉嘉做佢老婆，我回答我實在沒有這個福份。

嘉嘉即將升讀小一，我不希望她像幼稚園一樣受男孩子歡迎((本來我勁想佢讀女校，不過被人鬧爆 ))，感覺才可專心一點讀書，小學生嘛.....根本沒有必要對情愛有幻想。




雖然我的想法好低B，不過我都想嘉嘉習慣樣衰。。。。第一步，剪短髮！！

其實也有很多其他剪髮的原因......夏天將至，長髮很熱，洗也麻煩乾也難，束頭髮也很累，將來早起也沒有時間束頭髮。。。。




見到一地頭髮真係心痛，不過嘉嘉嫌唔夠短，主動要求再剪短一點。




所以呢。。。。嘉嘉不是被迫的。。。。她自已亦肯願意轉造型。。。。




這是心肝可以接受的長度。。。。




見到嘉嘉這個樣子，我絕對認同一髮遮三醜。。。。不過很清爽呢！！




看了幾天，順眼多了。。。雖然親友一致劣評。。。。