蛇年大年初一

 

新年忙到翻天覆地，完全無時間寫Blog，期間又瘋狂迷上了打Candy Crush，不過我已經痛定思痛，決定要同佢分手！！

The Yeung's Family 祝大家新年進步身體健康！！大朋友個個心想事成小朋友位位快高長大~~~


 

嘉嘉的賀歲點心出場，小手工越做越好。

轉眼間就到下學期開學了，亦是嘉嘉在幼稚園的最後一個學期，佢已經完全有心理準備上小學，知道自已要好早起身返學.....知道要做好多功課.....知道唔再跟我返工.....

我真係好唔捨得 ~~~ 除了唔捨得心肝每日時間對少左我之外，更加大的原因係對於踏入小學呢個新階段，我都戰戰競競，我仲未ready跳出Kindergarten呢個甘comfort zone囉 ~~~

不過人當然要向前看要進步，我會陪嘉。渟兩姊妹一齊努力，迎接每一個新挑戰！！！


 

大年初一先到爺爺嫲嫲家拜年食午飯，跟住就返左娘家同公公婆婆side Family團拜，一個下午就拜會晒全村既所有長輩喇！！！




再過幾天，我們就準備坐飛機去旅行，所以心情忙得也是快樂的。希望行個大運返黎之後，渟渟的驗癌報告能平安無事，千祈唔好復發，蛇年~~~ 希望能有個開開心心的開始 ~~~

放假每天都被嘉。渟圍在身邊團團轉，一個心肝一個寶貝結合像產生神奇力量，將一切事情都變得簡單和快樂，世界上沒甚麼比她們更重要。。
。。。




Anki 表妹的第一個農曆新年！！五個玩到癲晒~~~




明天(11/2)是阿娘的牛一，表弟表妹們特意提早為阿娘送上這個""生日""蛋糕。


 

阿娘好開心，即刻換返套唐裝衫黎影相。


 

每年大年初一都要指定食素，今年索性訂個素盆菜。




~~大合照時間~~