布吉親子遊2013~Day 2(Coral Island珊瑚島)

雖然我還未習慣每天愛上禱告，不過今朝一起床，我就超級感恩，渟渟成晚無扭計((上次試去長隆都有喊醒))，仲一覺訓到天光((連夜奶都無扭))，重點是....渟渟尋晚係叫住：媽媽抱抱~~~~要我哄她陪她睡覺！！！真係有史以來的第一次！！！佢終於都肯((當))我係佢媽媽了！！！


今朝都幾早Morning call ((7:00am))，8:00am就集合，自已梳洗完再攪嘉。渟起身換衫，所以時間都幾急，然後我地用左極速時間食早餐，不過可能嘉。渟太早起身無咩胃口，所以我在酒店的餐廳取了一些麵包和雞蛋，留返佢地一陣肚餓食。




是日主要節目就係去Coral Island ((珊瑚島))，由酒店出發到碼頭，車程約40mins，所以我們繼續訓埋下半場。。。。


渟渟第一次乘快艇，真係有點擔心佢會暈船浪((因為佢有暈車浪的習慣))。。。。


嘉嘉好醒目。。。。




沿途有浪，船有點拋，突然一個大浪。。。。。。




我們濕了。。。渟渟呆了。。。羊生笑了。。。




大約15mins的怏艇船程，鏡頭一轉，我們已經黎到Coral Island ((珊瑚島))。




上岸後，各人在島上自由活動，即刻叫嘉。渟""埋位開工""先！！不過渟渟依然唔係好肯合作.......




佢只肯俾一秒時間我地((已經皇恩浩蕩))，甚至一秒都唔望，因為唔望鏡頭先係佢既style......




我的心肝就十分合作，任勞任怨




嘉。渟到此一遊@Coral Island




有兩個孩子真好，可以替肥媽媽""左遮右遮""，也不怕嚇壞支持這個Blog的親友們......




已經一個冬天沒有到過沙灘，渟渟又再對""海""害怕起來，當踏足岸邊，就會要求我和爸爸抱抱。

不得不讚嘉嘉，平時在家倒有跟妹妹間中吵下嘴，旅行期間卻對渟渟百般遷就，十分照顧；我對她說：爸爸媽媽慳左好耐、儲左好耐錢，先可以有今次的旅行，如果連去旅行明明一件甘開心的事，都會令你地鬧交甘唔開心，甘我下次就唔會再浪費金錢去旅行。快六歲的她，越來越懂事，而且體貼父母，實在不得不令我一再感恩。




很多時候，明明都知道，是妹妹的勻蠻，說是""分享""，最後還不是要家姐""去分享""?? 自已也是當老大的，家姐的委屈，女兒的感受，我又怎會不清楚?? 然而，小女兒總是擁有讓人去寵她的魔力，就連嘉姐仔自已....也是寵妹妹的一分子，每次渟渟波罰""拋""在街上，最後都是嘉嘉""執""她回來的，妹妹向嘉姐仔嘟嘴投訴，嘉嘉就""教訓""我們：爸爸/ 媽媽，條街好多人架!! 一陣妹妹被人捉左，甘點算吖??




能擁有你們，我實在覺得自已無比幸福。。。。




11:30am已經是LUNCH時間




我知道不能對島上的餐廳有太高期望，呢餐有炒粉麵飯、有蝦串燒、有炸雞翼等等......都是一些香口的炸物，其實味道都算過得去。




買了一個樹上熟的椰青，但唔算好甜........




天氣真的太熱，另外又再買了兩個甜筒給嘉。渟降溫((黎到布吉，兩姊妹竟然一聲咳都沒有))




佢地揾左個千秋俾自已，坐在千秋上邊吃邊嘆.....




我個人就覺得呢個島無咩特別，亦唔算好靚，水不清沙不幼，而且有很多碎石，主要係玩水上活動為主。


而水上活動的項目都頗多，有拖傘、水上電單車、香蕉船、海底漫步..….其實呢度都可以潛水，我叫羊生去玩，不過已經潛過浮羅交怡同沙巴既佢，就嫌棄呢度""潛左都唔慌靚""，後來有團友勁彈潛得好淺，無野睇!! 羊生仲沾沾自喜覺得自已好醒無嘥錢，其實可能少D人去、遠D既外島水底會比較靚，所以唔係玩水上活動的話，我建議呢個Coral Island 珊瑚島，唔黎都唔係一個損失。我地今日都係玩下沙。。。觀光下。。。影下相。。。俾渟渟適應下。。。warm-up下。。。



我地仲曬左陣太陽、訓左個午睡勁優閒好Relax，2:30pm就回航喇~~~~~




返到碼頭有人賣返上船前影既相，每張都係$100Baths，仲影得我地好靚，好鐘意 。