布吉親子遊2013 ~ Day 1

因為渟渟未滿2歲，沒有自已的座位，所以都是抱著她的；幸好我們坐的是第一排，位置比較鬆動，還有足夠空間給嘉。渟走動。

我帶了一些顏色筆和玩具給兩姐妹打發時間，又準備了一些軟糖，給嘉。渟咀嚼((吞口水))，所以佢地並無因氣壓改變而感到不適，叻叻！！




我向來不是個""挑吃""的人，但關於「泰國東方航空」的飛機餐，我實在不得不用「好xyz難食」來形容！！就連渟渟也沒有""吃""的意欲((或有可能是.....剛才已經在機場翠華已經吃飽了))......不久，我和嘉。渟已經一起齊齊昏睡((今回嘉嘉連枕頭也帶來了))......




差不多降落的時間，我們才醒過來！！幾乎訓足全程！！勁勁！！

我們在等候落機的時間，從嘉嘉的行李箱裡面，拿出兩姊妹的短袖衫替她們換上，((渟渟的行李箱則是放玩具和食物))。這兩個行李箱，似乎比想像中更有用((原以為純粹用來做拍照的道具))。




下午4:30pm，我們就抵達布吉，布吉機場過關好耐，泰國人做野真係好慢，我們一團人差不多用了一個小時才能完成過關手續。




這就是我們一家四口的超強裝備，都唔係好大陣仗啫 。




第一站就係去THAI NAAN RESTAURANT食個自助晚餐，環境都唔錯。

有睇開我地個Blog啲Blog友應該記得，過年前嘉。渟齊齊病左成個月，臨飛前兩日，我仲諗緊需唔需要帶嘉嘉睇多次醫生??

不過黎到泰國甘熱，唔係仲要戒飲凍野下?? 好殘忍wor.......但係佢地啱啱先好啲......唉......嘉嘉話想飲椰青講左成個月喇，掙扎左一陣，我就話飲少少啦，然後見到有泰口味既handmade雪糕，自已又胃食想試下，嘉。渟見到我食，佢地又點會唔扭食吖~~~最後羊生無眼睇，哈哈哈~~~~




爽呀~~~~其實嘉。渟忍左好耐口喇~~~~終於可以大破戎~~~~




食完個Dinner之後，我地有個行程，就係去 CENTRAL FESTIVAL 行街，領隊話我地有1.5小時shopping，因為全個布吉既Shopping Mall 都係準時10:00pm 關門。




嘉嘉見到個泰籍麥當奴叔叔，即刻過去同佢""sawadeka""，不過渟渟就嫌佢太濃妝，話驚驚唔肯埋去一齊影。

我地週圍影下相，淨係行左個超市，原來1.5小時真係唔係好夠，後來才知道呢度有間蝴蝶袋專門店，雖然芭東區附近也有，不過就設在橫街((近酒吧街))，最後我地都係無去到，算啦，反正香港都有專門店，而且，布吉的蝴蝶袋並不是特別平，大概貴曼谷30%。

 

然後，我們就隨即返酒店做CHECK-IN上房休息，我拎到行李第一時間，就係揸住支消毒火酒做大清潔，才安心給嘉。渟上廁所和泡泡浴，兩姊妹已經一個冬天沒有一起玩浸浴了......心情寧舍興奮！！！


 

酒店設有Wi-Fi 上網，不過我就連上facebook 既力都沒有.....羊生買的香檳都沒有碰過。

領隊還給我們 upgrade 了做家庭套房，下篇再介紹一下我們的房間。