話左好耐想去火車博物館影下相，但次次都唔成功
~~今日終於去到喇~~
病左成個星期，今日幫嘉嘉扮靚少少去影相先
加左少少懷舊效果
我覺得嘉嘉今日好可愛呀
終於都紮到辮仔喇...
終於都似返少少個女仔喇...
嘉嘉話好開心可以行路軌wor~~
而且今日影相仲好合作
正正經、企定定
不過今日天氣真係好熱呀
只要身體許可，我都想帶嘉嘉走遠一點
細B一日未出世
一日都唔知嘉嘉見到一個真實既新成員係面前係咩感受
雖然嘉嘉而家每日都會同我講會share toys俾細B
會同細B玩…好多好多令我好窩心既說話
但當我諗到6個月之後你便不再是Papa Mama既 "唯一"時
就有o的好奇怪....講唔出既感覺....
不過，我知道你o係Papa Mama心目中
永遠都係甘獨特~~永遠都唔可以取代既嘉姐仔~~
焗左一日餅，所以今晚都打算繼續焗
焗左個芝士肉醬意粉
兩隻芝士都試下焗，原來會係甘
............
仲有焗完出黎有o的乾，下次要再煮多o的汁先
再煮左個忌廉湯
整左碟白汁意粉俾嘉嘉
其實呢個玻璃曲奇o係Blog界已經 hit左好耐，我見到有好幾個blog友都整左， 真係好靚呀!!! 仲强調好easy唔難整添!!! 慢人幾拍既我趁住"嘉嘉病假中"，終於都的起心肝要試下整!!!
材料:
牛油 100g (有鹽牛油不用再加鹽)
糖粉 60g
蛋 40g
低筋粉 200g
泡打粉 2g
鹽 2g
做法: (預熱焗爐160度)
1. 室溫放軟牛油, 加入糖及鹽打至鬆發
2. 逐少加入雞蛋, 直至蛋汁完全混入牛油糊
3. 篩入低筋粉及泡打粉, 以切伴方法伴勻
4. 弄成一個粉糰放入凍格雪1小時以, 取出後碌平, 用餅模印出曲奇
5. 曲奇先焗5分鐘至半熟, 每一塊放上一粒Foxs糖在中央
6. 如果中央範圍太少, 可以把果汁糖壓碎
7. 再焗10-15分鐘至金黃色及糖溶
8. 出爐後要等曲奇完全涼透才可取出
Cut糖的時候，嘉嘉不停偷糖吃
新裝的Fox's糖，顏色淺...又沒有綠色的><
放入焗爐先焗5-10min至半熟
然後取出，在中間心放入一粒Fox's果汁糖
由於咱嘉的焗爐太細，一次只可以出到幾個
再焗5-10min左右至全熟及糖完全溶了
待涼後，中心的糖便會變成"玻璃"
嘉嘉勁食，認真俾面
其實頭兩盆既製成品賣相奇差!! 太大粒糖都漏了出來
還有一些焗得過火左呢~~
材料: 醃料:
豬扒.....................6塊 頭抽、紹酒....................1湯匙
蕃茄................. 2個 老抽、糖
紅葱頭.................2個 胡椒粉
蒜頭 ...................2瓣 生粉
油 麻油
將豬扒肉近邊有筋的地方剪斷，防煎時捲起
豬扒用刀背拍鬆兩面
每片豬扒分切兩片
逐一沾上醃料，醃最少15分鐘，當中翻面一次
肉片間夾入拍扁蒜瓣，下鑊前棄去
燒紅鑊，滾油，猛火煎香豬扒，至兩面轉熟的顏色
然後在回鑊時加埋半個洋蔥絲先炒軟，加入蕃茄
再將煎好後的豬扒一起炒，最後加入茄汁和糖便完成了!!
仲煲左清潤止咳既雪梨雪耳豬湯
雪梨4個、雪耳1朵、無花果2個、南北杏小許、蜜棗2粒、豬$30
諗住用蒜蓉豆鼓黎蒸倉魚
是日晚餐
雪梨雪耳湯, 蕃茄豬扒, 炒菜心、蒸倉魚
嘉嘉白粥一碗
嘉嘉返學無幾耐就病倒了
仲要係近期好流行既病毒~~~""手足口病""
2010-8-21(SUN)既晚上，嘉嘉發燒了，徘徊在102-103度，食左退燒藥+退燒塞，大概5:00am才退燒~~~~
第2日，2010-8-22(MON)，我就帶嘉嘉去睇醫生，謝醫生一睇就已經話 : 哎呀!! 做咩甘呀!! 係手足口呀!! 謝醫生話嘉嘉個喉嚨定 (吊鐘) 生哂o的粒粒，手同腳o個o的都係....要食抗生素，過幾日退哂o的粒粒就應該無事架喇~~~
謝醫生就話唔駛特別戒口，係唔食得熱野，仲話好多外國人有手足口病都會比小朋友食雪糕呀....yoghurt呀.... 其實嘉嘉呢幾日真係好痛苦，食又食唔到，訓又訓唔到，我唯有煲o的稀粥仔俾嘉嘉食，因為嘉嘉個喉嚨根本痛到吞唔到野!!! 呢兩三晚嘉嘉連訓訓下覺都痛醒左，掩住個口係咁嗌痛，每訓一兩個鐘就痛醒一次，一喊就喊大半個鐘先可以再訓返，一家三口都好辛苦。
雙腳都滿怖紅點水泡，真係好嚴重呀!! 見到都痕!!
今日放假，見精神返少少
心血來潮，羊生就提議入西貢行一趟
媽媽每次必定幫襯的"船販"
天氣不是太好呢
但無礙我們的雅興
見到呢張畫紙舖左o係檯面，仲有顏色筆提供比人畫畫既
~~~無錯~~~
我地又黎左呢間Pepperonis
嘉嘉至愛的顏色筆
肉醬意粉 for kids
蒜茸蜆肉意粉
New Orleans Pizza ( 14吋 )
因為呢個Pizza係呢度出曬名，裡面有香草雞柳、菠蘿、烤薯、磨菰配甜酸醬及酸忌廉，佢既惹味係其他Pizza食唔到，所以想order俾媽咪試下。
Dinosaur Ribs ( Full Set )
配上豐富的薯菜，不比主菜遜色，YUMMY!!!!
見唔見到份Full Set有幾大份??
