夜遊Disneyland黑色世界

嘉嘉叫左成個月要入Disneyland，今日終於就到時間，等埋羊生收工，我地就飛左入去喇 !




真係好興奮呀 ! 未入場已經喺場外見到 ~~ 阿Jack同莎莉橫臥喺入口簷篷的上面，恭候各位進入「黑色世界」。




仲將入口的Mickey頭，加上南瓜的裝飾




嘉嘉仲第一次騎木馬添!!!!




嘉嘉之前都唔敢唔肯玩機動遊戲，今日終於肯坐木馬，不過因為係第一次玩，所以有少少緊張，一直緊握扶手，希望嘉嘉下次可以玩得開心啲，enjoy啲。




輪到第一次坐小飛象喇




到嘉嘉去玩「小飛象旋轉世界」時，忽然飛吓上面、飛吓下面，嚇到嘉嘉緊握扶手；

但當嘉嘉玩完之後，就不停話 : 嘉嘉大個女，唔驚啦 !! 吹脹~~~




原來樂園7:00pm仲會多左個"夜光鬼魅巡遊"

Jack ~~ Jack ~~ Jack

 

巡遊果然好精彩好好睇呀，各演員的舞姿又正，尤其我好欣賞既Marching Band一出現就歡呼四起，佢地仲改穿上橙色制服，型爆。




仲有彊屍四圍走，扮得好似，好"鬼"異




Minnie與朋友們.....即使Halloween......仍然保持著一貫的可愛形象




巡遊好快就睇完喇 ! 真係好精彩 !! 雖然今日係閒日，但係都好多人呀，睇下佢地情緒幾咁高脹。




未黎Disneyland前，嘉嘉經常嚷著要睇「煙花」，又扮「煙花」聲 (Boom)，但一到真正現場睇煙花時，又話驚驚，又話要走，我地唯有行到遠一遠睇，真係無佢符！




越夜越Halloween

嘉嘉終於夠膽去玩機動遊戲喇！！！

~~~~感動ing~~~~

希望佢下次可以自已同公仔影張相就好了！！！