人生第一次面試

2009年10月17日，天氣晴。

是日為嘉嘉進行人生第一次面試。我地仲見到梁小冰+陳家輝帶個囝囝來interview添 !!

1) 老師叫嘉嘉自己疊高5塊積木，疊完之後叫佢俾一塊miss，再叫佢tidy up。

2) 然後就問我係邊個，嘉嘉細細聲話 "May May"，我心諗 : 玩野呀 ? 跟住就聽到老師話 : 係喇.....媽咪.....原來因為嘉嘉太細聲，所以老師聽錯左 ，跟住就問羊生係邊個? 好彩佢識答係爸爸。

3) 老師拎左個布公仔出黎，就問嘉嘉個公仔啲眼鼻口喺邊? 要嘉嘉指住黎，又叫嘉嘉同公仔握握手。

4) 又拎咭紙問嘉嘉大小，每種東西叫咩名，東西有咩用途。

5) 仲有比張畫紙佢畫circle。

6) 最後老師送左隻學校VCD同貼紙俾嘉嘉，嘉嘉一手攞VCD，一手攞貼紙，然後老師叫嘉嘉幫手推番埋張chair，因為嘉嘉無手推，就用左個肚腩仔推 ，老師仲話 : 你甘叻既，轉得甘快 。Then Say Bye-bye 走人。

嘉嘉今次面試既表現都算係甘啦，不過都唔知會唔會收佢，就係咁.....嘉嘉就完成左佢人生第一件大事了，媽媽好開心同你一齊經歷，希望你第時自己睇返可以作為一個記念啦 。