拖了又拖，出發了一星期才寫好遊記.... 我似乎越來越懶了 
2009.10.25 (SUN)
今天終於展開了一連兩日的番禺之旅，因為星期一是重陽假期，家人不用額外請假，於是我們便安排了一次合家歡的大陸旅行，一行十五人自組了一個玩得開心、食得放心的「兩日一夜番禺之旅」，盡享天倫樂。當天我們搭直通巴土，大約兩點便去到了祈福新村。
到步放低行李後，我們當然唔會放過游水的機會，於是去了會所的游泳池，這個游泳池增添了許多設施，很有心思好得意 !! 尤其那個吊環，可以轉來轉去，仲有水中搖搖板，還有幾條滑梯.....看看大家都玩得很開心呢。
細佬同女朋友坐的葉子上，上面有個水桶，注滿了水後就會倒下來，細佬又玩野，影左幾張搞笑"沙龍"照。哈哈！另外羊生真係識得嘆，游游下水都要爬上吊床，躺一躺，嘆一嘆 !! 肥表弟呢......沒帶泳衣就索性裸泳添 !!
然後我們去了會所再玩多一會，不過假期費用就比平日貴一點囉 !!
入夜後過了食街吃晚飯，見到這間 (鄉下住家菜)，RMB 3 一隻蠔，我便衝了進去找位子.......
服務生竟然告訴蠔己沽清，太過分了 !! 於是我們唯有點其他菜式，片皮鴨、乳鴿，釀豆腐、腐乳通菜、陳村粉、雪蛤蒸蛋、黑椒牛仔骨、九肚魚、煎薄餐、炒蠶蟲 etc.....仲有其他都唔記得叫咩添 ! 只是吃小菜不吃飯都超飽，埋單都不用 RMB 600。
其間媽媽話蠶蟲好有營養，我就叫嘉嘉食多啲，嘉嘉食到津津津有味，羊生就話要同嘉嘉影張相，一邊食一邊影，點知嘉嘉好好心情叫埋我 : 媽媽，你都食吖 ! 同嘉嘉一齊影吖 !! ( oh my god.....真係多謝你呀 !! 乖女 XY#2@ )
嘉嘉臨訓前仲不停同我地講 : 我今日好開心呀 !!
第二天食完早餐便前往香江動物世界，前幾個月才來過一遍，相信嘉嘉對於這個地方，一點也不會陌生吧? 其實一直也希望可以再帶嘉嘉來多一遍。今次還有表姐表弟同行，嘉嘉當然更加開心。
第一站係睇雀仔
三個小朋友好興奮哦
當然少不了乘坐觀光小火車去看動物，這些動物在草原自由自在地散步，好有大自然 feel，比起玻璃中看動物真實感好多。
不過見到有些deer的角被切去了，好慘.....唔知會唔會好似我地啲頭髮甘，會再長出來? 這些deer都不知道自已的角被除去了，跟同類打架時，還以為自已有角去撞對方.....
咱嘉的閒照 @ 天鵝湖
條蛇係要俾錢至可以擺上頸影相留念架 !! 但唔駛錢都唔好攪我.....羊生仲不停轉pose添 !!
我地仲見到可以同白獅仔和老虎bb影相添，隻白獅仔好型仔架 !! 不過就惡左啲，大隻左啲，所以我地都係同老虎bb影算數啦。
看完動物後，還有一個兒童天地
跟住我地去左長隆酒店的彩蝶谷high tea，由於已經係下午三點半，所以只有下午茶供應， 價錢和平常是一樣的，只是菜單選擇少了很多... 食物價錢跟香港的酒樓差不多，茶位五元一位另加15%服務費，酒店來說不算太貴，味道還可以，我地每人只係叫左少少野食頂住先，因為我地五點鐘其實係要join返爸爸媽媽，食埋晚飯先返香港。
晚飯時間到，各位影張相先~~~~
越來越有夫妻相的我們吧?
豐富的晚餐，不過唔記得叫咩餸名啦 !!
一家人去玩真係好開心，有講有笑......當然人多自然會有意見分歧的時候，不過我地都ok架，想去邊就去，想食咩就食， 正 !!
希望不久將來可以再次出發啦 !!
。
? 跟住就聽到老師話 : 係喇.....媽咪.....原來因為嘉嘉太細聲，所以老師聽錯左 
，跟住就問羊生係邊個? 好彩佢識答係爸爸。
。Then Say Bye-bye 走人。
。
