嘉嘉已經食晒港安啲藥喇，病情都無咩進展，重開始咳同流鼻水添，而且重有少少微燒，所以我地都係同佢去返謝醫生度睇，又唔見左$500 
嘉嘉呢個星期都好扭計，成隻樹熊甘痴住我，又成日喊，超煩 !! 因為嘉嘉平時極少喊，我真係覺得啲小朋友成日喊好難頂，不過我知佢病病辛苦，就"格外"開恩 
成日喺屋企怕悶親Baby，所以攞返呢個私"嘉"廚房出黎陪嘉嘉玩.....
同場加映
嘉嘉做咩甘驚羊生 ?
咪因為見到餵藥的針筒同藥水囉.......
仲"妄想"逃跑，食藥這個環節真係最頭痛....最怕佢嘔番晒出黎！
謝醫生開俾嘉嘉既藥水，真係夾好多，原來嘉嘉係氣管敏感，食左兩次敏感藥之後，情況已經好左好多，好咗7成啦，不過其中有3成已經傳染左比我喇......今日起身全身骨痛喉嚨痛.......
嘉嘉你要乖乖食藥呀!唔食藥病病獸成日跟住你o架啦!要快o的好番呀!May May姨你都要好好保重。
回覆刪除[版主回覆09/02/2009 02:22:00]Thx....嘉嘉好番好多了......有心