你快樂，所以我快樂

知道嗎？其實從前我是一個超級唔喜歡戶外活動的人，總之就是見光死，陽光越猛烈人就越猛憎，無冷氣就會發癲，脾氣暴躁兼黑口黑面，連自已都覺得恐怖.....加上我的職業.....曬到甘黑點 sell 美白產品呀?

偏偏羊生就是一個超級喜歡戶外活動的人，又愛上天下海，總之就是無陽光不歡，甚至陽光越猛烈人就越生猛，我就覺得佢好變態。

自問以前 shopping，facial，massage 係第一嗜好的我 ( 當然食係首位，唔駛講都知  )，見到嘉嘉每次 Outing 都咁開心，於是我放假既時候，盡量都唔想帶佢去咁多shopping mall ( 所以通常我係同文姨姨偷偷地行  )，費是比左個錯覺嘉嘉，以為放假一定要去行街駛錢。

而且我仲會留意，放假有咩親子好去處，帶嘉嘉去睇多啲，玩多啲，見識多啲，讀萬里書前，不如先行下萬里路。

其實一星期工作六天，剩返一天放假都去Outing有時真係好攰，又多嘢攞，但係每次見到嘉嘉咁開心，又覺得幾辛苦都值得，仲唔會放過任何放假日子，繼續揾地方同嘉嘉去玩......Yeah！