暢遊迪欣湖

一直想跟嘉嘉到迪欣湖，見今天天氣不錯
.......一於call埋Sunnie表姐同遊
。

來到迪欣湖已是三時多，我們先去玩水上單車，由於我們有迪士尼全年通行證，所以享有半價優惠。登腳踏船前，大家都要首先穿上救生衣。

當嘉嘉穿起那件超細碼的救生衣時，樣子十分有趣~~

為甚麼水上單車都是沒有傘子或是甚麼遮太陽的東西? 希望我不是第一個在湖中央中暑暈倒的人吧，我真想寫建議去Disneyland可以加一頂大的米奇老鼠傘來裝飾或擋擋太陽吧! 幸好今天天氣不是太熱，又沒有太猛烈陽光，所以踏起來都不算太辛苦。

起初嘉嘉都顯得有少少緊張，但轉頭，嘉嘉就嚷著要自已掌船，仲吩咐羊生要不停踏 ( 好可憐  )。

點解突然甘憐惜羊生??? 全因為身同感受.......淨係得我踩，Sunnie就喺度訓

 

迪欣湖還設有兒童遊樂場，上岸後，我們去了那處玩。迪欣湖真係好舒服哦，不像其他公園那麼多人。仲有多款滑梯，搖搖板及BB千秋。

遊樂場的中央仲有一個噴水柱的地方，可以讓小朋友玩玩水，Sunnie和嘉嘉見到也很想走過去玩，( 我事前沒有告訴他們帶了替換的衣服 ) 後來當我批準他們可以在這裡玩水，兩小鬼都興奮極了，繞著水柱不停地走。

這個噴泉似乎超好玩，深受小朋友歡迎，為甚麼小孩總愛嬉水? 看見有關水的物體總是歡喜若狂的 !

這個外籍小朋友，我真的好期待他能轉身換個pose讓我拍張照 。

羊生為何一臉不悅?
除了腳上的蚊叮...

仲有因為佢地越玩越放囉，Sunnie當正呢度係佢私人浴室，系度洗頭, 做水力按摩, 瑜珈, 仲想打筋斗添 !

羊生比較保守，覺得玩到甘癲好唔啱，我就覺得....只要小朋友喺安全情況下玩，其實又有咩所謂吖，最緊要佢地玩得開心嘛 ! 衫濕左咪換囉，甘熱玩下水降下溫咪幾舒服，只要唔好冷親就得啦，睇見佢地笑得咁開心，就覺得應該係好好玩啩  ~~~~~

難得郊遊，唔好甘掃佢地興啦好無  

最後咪玩到全身濕透，看看他們的濕身造型，勁爆笑~~ 真係比林峰更"淋瘋"

 

 

首次遊覽迪欣湖，風景怡人，綠油油的草地，和香港典形的公園很不同。

這裡最吸引的就是一大片一大片的草地，而且沒有「請勿踐踏草地」的殺風景告示牌。莫講係嘉嘉，就算是我同羊生，都很久沒有訓和「碌」草地了。

我的爸爸媽媽年輕曾在歐洲生活，小時父母最愛帶我們幾姐弟去郊外野餐，感受大自然的氣息；我都希望我的小寶寶能享受大自然  !! 親親大自然 !! 一邊野餐，一邊享受著日光浴。

我覺得迪欣湖的陸上風光比迪欣湖本身更美麗，花草好翠綠哦。在這裡真的很寫意。而且今日唔算好熱，呢度都唔算好多人，SO GOOD  !

嘉嘉可能覺得草地刺腳，不太喜歡赤腳在草地上行走，穿了鞋就自在得多。與表姐Sunnie追追遂遂，在這片綠油油的草地上，跌到都唔怕受傷，真係幾好。

如果帶埋小朋友黎，最好就要準備帶多啲野玩 ( 好似吹泡泡、飛碟、波波、風箏、單車....) 就更加好!

 

~~What a Beautiful Day~~