姨姨鋪頭的姐姐送俾嘉嘉既砌圖，回家又可以玩樂了~~
對嘉嘉來說，似乎很難!!!!
相信要用更多時間去摸索
砌圖.......係訓練耐性最好的東西
2009年8月31日 星期一
北上世外桃源
同嘉嘉去完健康院做檢查，哈哈....又黎北上，差唔多成個月無比人揼過喇，身痕添 
今次我地都係喺福田口岸過關，過完關之後就搭的士尋找我地既"世外桃源"喇 !!!! 點解呢度啲嘢食極都唔厭架? 超讚
我同羊生講: 而家我每一個月都要上去一兩次做按摩同埋食野架，做得甘辛苦，梗係要享受下
! 無理由拋低佢同嘉嘉嘛....咪三人行囉! 從前不愛北上的羊生，現在都上了癮 !!
可能經濟仲係唔好啦! 而家按摩既價錢都平左，以前我同文姨姨兩個人一晚消費連食about $1000左右，而家抵好多!!
有啲姐姐已經認得嘉嘉，生果飲品都可以簽單俾我地，仲送左甘大個果盤，早知唔食甘飽飯
，生果狂嘉嘉最抵，no-pay仲氹到甘多姐姐送乜送物，無聊上黎"hea"下嘆下，真係輕鬆好多 !2009年8月30日 星期日
健康院check up@27個月
因為嘉嘉在18個月大的發展檢查唔理想 ( 唔肯講野 )，於是要2歲返健康院再做一次檢查，其實應該是上個月去的，不過我卻忘記了 
我都好耐無寫嘉嘉的進度表了，等我而家一次過UPDATE先 ! 其實我都無認真同嘉嘉去磅重同度高，但好明顯，嘉嘉就係一個矮矮細細既小朋友，不過肥瘦高矮，始終都唔係我掌握之中，但求嘉嘉無病無痛就好了。
踏入歲半後，嘉嘉的發展速度很驚人，由開始說叠字，到20個月大已經能說出一組組的句子，仲超多野講....... 一般日常對話都是以短句為主，亦開始懂得分"你"和"我"。我而家主要幫嘉嘉遂個字執返，咩"唔開到"呀...."駛唔駛"就答左"駛"....
姑娘有啲唔相信，叫我舉個例，我話有一次爸爸行開左，嘉嘉問: 爸爸呢? 爸爸去左邊呀? 我話: 死啦! 唔見左爸爸添! 點算呀? 然後扮喊.....嘉嘉就話: 你冷靜啲先! 唔好喊 ! 抹左啲眼淚佢 ( 一邊雙手抹著眼一邊命令我，自已的眼睛都紅透了 )，然後再講: 爸爸行開左嘛! 爸爸唔會唔要我地既 
其實嗰刻連我自已都有啲難以相信，除了見到嘉嘉對爸爸既信任，仲有甘細既Baby竟然識得安慰返我呢個媽媽
在家中已經唔會再賴尿尿，亦識得叫疴臭臭，已經俾嘉嘉著內褲仔出街。最鐘意自己上落馬桶。
都數唔到一日要幾多枝，總之每次想訓就要奶奶，扎醒又要奶奶，想訓又要返奶奶。其他早午晚飯下午茶+水果都肯食。
訓覺時間多數係我同羊生一齊陪佢訓著先，不過睡覺和起床時間就唔太穩定，時早時晏。每天都會keep住刷牙。
在安全的情況下，日常生活好多事情都會讓他參與，如每天開飯前的準備，囇衫掃地.....等等.....這些事情通常嘉嘉都很愛參與，可能係因為可以扮大人.....哈哈
頑皮的時候，跟嘉嘉講講道理，提醒佢要合作，守規矩，嘉嘉都會明白的。雖然不是每一次都那麼合作，但多鼓勵，多讚賞?///發現是很有用的 ! 嘉嘉~~都是受軟唔受硬的 
2009年8月28日 星期五
!2009年8月27日 星期四
恨了很久的PiZzA HuT
今個星期嘉嘉Playgroup主題係食物，見到啲Pizza，就忽然想起好耐冇去過食Pizza Hut喇 ! 於是今晚就約埋文姨姨一齊去食Pizza先。
每次去到都只會食超級至尊~~大芝心批。文姨姨指定。
法式田螺伴焗薯蓉
千層肉醬闊麵
焗菠菜雞皇意粉
嘉嘉好乖乖咁食飯，因為只係用手機拍照，所以相片的品質很差
羊生要求與愛女拍照
正 !!
不過嘉嘉你唔好見到啲食物
個樣就甘興奮啦
呢排汽水做緊無限添飲....
我地每人都飲左幾杯
~~~返本~~~
2009年8月26日 星期三
2009年8月25日 星期二
繼續打扙
嘉嘉已經食晒港安啲藥喇，病情都無咩進展，重開始咳同流鼻水添，而且重有少少微燒，所以我地都係同佢去返謝醫生度睇，又唔見左$500 
嘉嘉呢個星期都好扭計，成隻樹熊甘痴住我，又成日喊，超煩 !! 因為嘉嘉平時極少喊，我真係覺得啲小朋友成日喊好難頂，不過我知佢病病辛苦，就"格外"開恩
成日喺屋企怕悶親Baby，所以攞返呢個私"嘉"廚房出黎陪嘉嘉玩.....
同場加映
嘉嘉做咩甘驚羊生 ?
咪因為見到餵藥的針筒同藥水囉.......
仲"妄想"逃跑，食藥這個環節真係最頭痛....最怕佢嘔番晒出黎！
謝醫生開俾嘉嘉既藥水，真係夾好多，原來嘉嘉係氣管敏感，食左兩次敏感藥之後，情況已經好左好多，好咗7成啦，不過其中有3成已經傳染左比我喇......今日起身全身骨痛喉嚨痛.......
訂閱：
文章 (Atom)