長隆Day2去動物園

Click to GO >>>長隆之旅~~睇馬戲 (上)



今朝8:30am我地就起身，去左白老虎餐廳食早餐，我地揀左坐窗口位，等嘉嘉可以一邊食早餐，一邊可以望到兩隻白老虎行黎行去。




地方都幾靚，又大，食物款式都多選擇架


 

 

食完早餐，喺門口影多兩張相




跟住就去左泳池，率先試著我上次買俾嘉嘉套 Burberry Bikini 先，大概玩左一個鐘左右，差唔多10:30am，要返酒店房執野梳洗喇，沖完涼，嘉嘉再訓左陣覺，一訓就成個鐘。




然後我地就起程去動物園，每15分鐘就有一架 shuttle 過去




我地仲帶左BB車去，諗住唔駛抱住嘉嘉甘攰啦，點知嘉嘉差不多全程都要抱，其實佢都有自己行同坐車仔既，不過因為要抱高佢睇動物，佢又唔肯俾羊生抱....

所以..........尋晚揼埋揼埋都唔夠貼佢呀！


 

一入場，啲動物已經排住隊俾我地睇，都唔知睇咩先好，喺香港想睇到甘多活生生既動物根本無可能!!


 

炎炎夏天進行户外活動，真係熱到油到出埋 ! 我由頭濕到落腳，由底濕返上面，搽幾多層防曬都無用，不過見到嘉嘉個樣既興奮又好奇，真係幾累幾熱都抵 !!!!




如果你想係度親親小動物，係要遂隻動物收錢架 ! 每隻 $30-$50 囉 ! 餵食物又要另外俾錢，不過帶埋小朋友去，呢啲錢都唔慳得既 ! 因為佢哋會覺得有趣得多，印象又深刻啲呢 !


 

餵山羊的時侯，啲山羊搶住食草草，連羊生也拉倒，嚇到嘉嘉皺晒眉不停叫。




之後我地又買左一包花生俾嘉嘉餵 Monkey，啲 Monkey 好胃食呀 ! 為左食跳水都制 !




動物園是分步行區和乘車區的，我地坐小火車在乘車區內圍繞一周看動物。嘉嘉是第一次這麼近距離看動物，有啲動物更在我們旁邊擦身而過，我確實覺得很有教育意義 ! 對於嘉嘉來說，絕對是極為興奮的一天 !


 

到達非洲區時，更有斑馬和長頸鹿等動物在大草原四圍走動



親子推介~~長隆動物園真是非常值得一遊再遊的好地方