樂施米

樂施會在全港舉辦樂施米義賣活動，HKD20一包，請多多支持！

今日見到樂施會有個 "樂施米" 籌款，我同嘉嘉都買左一包，俾嘉嘉入錢落捐款箱，利用呢個機會讓嘉嘉學習幫助別人。

隔離個人話，啲米甘細包，仲要賣成 $20一包，唔抵買，不過我覺得最緊要都係有個善心，有無米都係其次啫。

我同嘉嘉講，唔係個個小朋友都好似你甘幸福架，有衫著，有飯食，有玩具玩，所以我地要分享財富，幫下啲無錢錢嘅小朋友，等佢哋可以有飯飯食，好似你甘開心。

嘉嘉似明非明答我...知道.....share.....錢錢....

我希望嘉嘉都有一顆助人的心。

其實，有時覺得自已可以有能力幫助別人，都算係一種福份。

嘉嘉握住包樂施米，我問佢知唔知呢包係咩? 嘉嘉話係飯飯......我話呢啲未煮過嘅叫做米，要煮左用嚟食先係叫飯飯.....又學多一樣嘢喇