長隆Day1睇馬戲

今日我地一早起身(7:30am)，梳洗完就飛的去沙田搭永東巴士到祈福再轉車，巴士8:30am開出，約12:00pm就到達長隆酒店喇 ! 都幾快！！




嘉嘉今日個 Look 得唔得先 ?




因為2:00pm先check-in，我地就去了新翼的彩蝶谷食飯，價錢跟香港的酒樓差不多，茶位五元一位另加15%服務費，酒店來說不算太貴，食物質素不錯，環境又幾好，埋單約人民幣$200。

 

今日我地仲特登著左我們這一"嘉"的第一套親子裝添!!!!

當然又應羊生要求 Book 頭等房~~野趣房，因為話係景觀最佳，露台全部皆設向中庭花園，一覺醒來可以向白老虎和火烈鳥等珍禽異獸打招呼，聲稱可以近距離睇到動物。

 

新翼的房間裝修真的很新淨，還有 King Size 的大床，

嘉嘉最愛訓大床！！


 

白老虎就睇唔到喇，火烈鳥都望到D既。

起碼嘉嘉一行出露台，就好興奮叫 Bird Bird ! 不停出出入入，都值回票價!


 

浴室都ok，總算精緻




安頓好行李便在酒店四處走走，讓嘉嘉看看樓下的火烈鳥, 白虎等，影左一陣相嘉嘉就有少少眼訓，返左房訓到18:30左右便乘接駁車去看大馬戲。




19:30開show，下著毛毛雨，幸好場內有帳蓬，沒有影響我們雅興。

不過開場前，有好多踩高橋既clowns企係度搞氣氛，嘉嘉見到好驚，喊住叫走呀 ! 唔睇呀 !

 

羊生好心痛話 : 佢真係好驚架......

我：下 ! 唔係走嘛 ? 幾百蚊架 ! 雖然我唔係第一次睇，都無理由走架.......

(( 於是我放棄了酒店專區的前座，坐到後一後 )) 同嘉嘉講 : 出面落雨呀 ! 我地留係度坐一陣欣賞人地表演吖 ! 唔駛驚.....媽媽係度，呢啲都唔係叫做驚，呢啲係叫"緊張".......緊張唔駛驚架 ! 因為媽媽都會有少少緊張....( 不停 Repeat 講 )

後來有動物出場表演就好好多.............

 

嘉嘉見到隔離拍手佢又拍

呵呵呵.......又過骨




睇完表演後懶得再乘車到外面吃飯，又返到酒店揾食，今次我地選擇了食日本菜。

唔知係因為今日早起身?定冷親?或今日無飲咖啡?我個頭痛到爆，即刻order杯咖啡飲下先，結賬約人民幣$400，又貴又唔係真係甘好食。




跟住返到房，已經係23:30pm，羊生見我唔係甘舒服，幫我Book左做2hrs的Body massage，自已就留喺房度揍嘉嘉，真係感動 !

個按摩師傳仲要手勢超正呀 ! 甘就hea左2hrs........跟住返房ZZZzzzzzzzzzzzzz

 

Click to GO >>> 長隆之旅~~野生動物園 (下)