一日一燕窩

前排買咗 余仁生 現成既樽裝即食燕窩，成日懷疑質量會唔會較差? 一些客人告訴我，其實自己整也很容易及簡單，於是想試下自已整。整左就可以朝朝早俾嘉嘉食啦，雖然食窮左我，但冇計啦~~ 自從俾嘉嘉食過燕窩之後，佢日日就指住雪櫃話 : 食...燕窩，而且，佢食咗燕窩啲胃口好好，但係停食咗幾日又差番，咪再試下係咪真係關燕窩事.......

尋日浸左啲燕窩，睇落好少咁，但原來浸起嚟都好多，用凍水發左一晚，haha，都幾大碗吖。

首先將燕盞拆絲，然後簡毛毛 ( 燕盞會乾淨啲 ) ，跟住就放在燉樽內，加入開水剛浸過燕窩便可，蓋上蓋，然後再放回鑊蓋，隔水燉 40mins就得喇。冰糖要在最後十幾分鐘才加入，時間夠便要打開蓋熄火。





燉完仲有咁多吖


 

待涼後便可以放入膠盒，放入雪櫃，唔知可以食到幾耐呢?

燕窩同冰糖既份量唔係好識預，好似有啲稀，無媽媽燉既燕窩咁啖啖肉......下次要落足啲料先......