讓我歡喜讓我嬲

話說今日我餵嘉嘉食早餐的時候，佢玩玩下唔小心推開咗我隻手，攪到我整跌咗啲嘢食，躁底的我即刻想發佢瀾渣，但又立即噤住咗自已心中嘅怒火，心想佢又唔係有心 ( 係咪EQ高咗啲呢 )，就唔出聲鬧佢 ( 但面露不悅 )，點知嘉嘉見到我咁樣，行埋一面細細聲同我講咗句sorry.......嗰一刻我真係覺得好 warm 呀！

估唔到佢不過仲係BB就咁懂事！

但係到咗晚上餵佢食飯嘅時候，餵佢兩啖，便吐一啖，激死我喇，呢期成日都係甘，飲水又吐水，我已經同佢講過好多次唔可以甘，再係甘就要懲罰嘴嘴，咪一手打咗落佢個嘴度，文姨姨就鬧我做乜打佢，嘉嘉聽到就大聲喊住叫文文.....文文.......然後恩姨姨就搶住抱走嘉嘉去哄佢，我一手搶番唔比佢哋抱，大聲話邊個敢氹嘉嘉，我就會再打多佢幾下，然後無人敢再攬佢。

我同嘉嘉講，唔可以甘曳曳吐飯嘛.......跟住佢話知道，又同我講對唔住，然後就乖乖哋食埋啲飯。

小朋友真係好識"蝦"人架，似住人多，多人鍚，就成日扭計，我俾佢哋攬得一次，就一定會再有下次，甘嘉嘉咪唔駛聽媽媽話? 連媽媽都唔怕，甘邊個嚟教佢？