1 Apr 2009
是日愚人節，嘉嘉 BB 21 個月大了
嘉嘉明顯係細粒B
但我唔擔心，因為我都唔係高人
不過經常出現好危險的睡姿，其實我好擔心。。。
每天她一起身，嘉嘉就會過黎找我們
例必搵副眼鏡俾我
跟住叫 : 出去！！示意我出廳陪她玩
出牙情況 : 只欠四隻大牙
一日刷牙一次
(( 但好似唔多夠。。。))
戒片片情況：
大大的時候，會自動自覺出聲
但係都唔係好肯坐
到出門口陪我返工，全程要求自已行
行落樓梯邊行邊數數
坐車終於肯坐定定
到嘉嘉準備訓覺
成功戎了奶咀，但要<暗>佢訓覺
拍拍下，拍拍下
除非超累
否則都一定要叫媽媽入房
講野情況 :
已經好難盡錄，因為天天都有驚喜
句句學大人講
不過有時聽到佢一輪咀講講講
又覺得好好笑
特別係自己數手指讀 1-10 的時候
手指同口又唔協調
可以由1...2....3 數到 10
英文同廣東話都識講喇
嘉嘉 21 個月的成長進度，講住咁多先 ~~~ 期待下一個月，會有新的進步呀！
我次次去親呢間(食口福茶餐廳)食野，都會見到好多人叫佢既"招牌木桶飯"
其實呢度嘅過橋米線都OK，雖然$29一碗唔算好抵，但大大碗又足料：火腿、腩肉、豬潤、腐竹、金菇、肉燥、麻辣雞絲、鮮東菇、芽菜、咸酸菜......，湯香濃，可選大/中/小辣，OR 辣可另上。
招牌木桶飯，大大桶，都係$32桶，一個人實食唔晒
細佬的台式三杯雞木桶飯，一上枱香噴噴，一定要叫多汁呀！
另外我的話梅肉排骨木桶飯 ( 都係多汁 ) 都好好味
不過掛住餵嘉嘉食，無影到相~~
不過我見佢個木桶用錫紙包底，就知佢地根本唔係用個木桶直接去整個飯出黎，只係用木桶裝住啲飯同餸上去，冇左木桶飯本身飯有木桶香味個原意。
有乜理由要用錫紙包住個木桶？咪自己打爛個招牌囉？不過呢個大桶飯都幾好味。
地址 : 元朗安寧路67號地下
天氣回暖，終於下定決心幫嘉嘉戒片喇！其實婆婆一早已下聖旨要嘉嘉逐步戒片，日哦夜哦咗我好耐喇......話我甘鬼懶....#%@&*
現在我放了一個鴨仔potty在廳中，經常問嘉嘉要不要""尿尿""""(VV)""，我的結果亦跟其他戒片媽媽一樣，一日要換十幾條褲仔，又不停地拿毛巾抹地！
其實我已經將 timer 較成每 15mins 一次，就帶嘉嘉去坐鴨仔potty，她坐了一陣potty，嘉嘉就話 : 無呀！問親佢唔係話無就係吹水，攪到我頭都大埋，嗰頭坐落就即刻起身走去玩，然後不一會，就在地上尿濕了。
最激氣竟然賴完尿再玩尿尿，用隻腳踏踏踏！我真的很生氣，捉住嘉嘉打pat pat，先同佢換褲褲，諗落自己真唔啱，佢又唔係神童，點解我要生她的氣?
我再試下俾嘉嘉飲一大包竹庶茅根，望住個鐘，發現同佢換完衭之後唔夠15mins又尿濕過，一個鐘竟然可以有4次，攪到我由朝到黑都keep住要抱佢去potty問佢有冇尿尿，真係有少少人都癲。
唔知這戒片行動要持續多久呢~~~~~~
前排買咗 余仁生 現成既樽裝即食燕窩，成日懷疑質量會唔會較差? 一些客人告訴我，其實自己整也很容易及簡單，於是想試下自已整。整左就可以朝朝早俾嘉嘉食啦，雖然食窮左我，但冇計啦~~ 自從俾嘉嘉食過燕窩之後，佢日日就指住雪櫃話 : 食...燕窩，而且，佢食咗燕窩啲胃口好好，但係停食咗幾日又差番，咪再試下係咪真係關燕窩事.......
尋日浸左啲燕窩，睇落好少咁，但原來浸起嚟都好多，用凍水發左一晚，haha，都幾大碗吖。
首先將燕盞拆絲，然後簡毛毛 ( 燕盞會乾淨啲 ) ，跟住就放在燉樽內，加入開水剛浸過燕窩便可，蓋上蓋，然後再放回鑊蓋，隔水燉 40mins就得喇。冰糖要在最後十幾分鐘才加入，時間夠便要打開蓋熄火。
燉完仲有咁多吖
待涼後便可以放入膠盒，放入雪櫃，唔知可以食到幾耐呢?
燕窩同冰糖既份量唔係好識預，好似有啲稀，無媽媽燉既燕窩咁啖啖肉......下次要落足啲料先......
今日沒有太多Booking，肥爸同娘親又去了旅行，可憐無飯開的一班仔女，唯有約埋去旺角行街食飯，原本話食放題，又好想鋸扒，啖啖肉最適合我們！哈！花園餐廳在旺角隨處可見，便上去開動了。
紅湯既湯料豐富啲，有啲湯渣食下， 但白湯就較稀同埋無咩料
加 $25 的薯蓉焗田螺
因為嘉嘉喺度，所以全部都用碟上代替鐵板，其實我好鐘意啲醬汁倒落鐵板度嘅 "池池" 聲，跟住攤開張餐巾嚟擋汁，好懷念。
但當燒紅的鐵板淋上醬汁，即時煙霧四起(眼鼻受罪)，油花亂彈(身體外露部份都有可能受罪)，所以安全為上，唯有等嘉嘉大個啲先可以享受 "鐵板餐"。
細佬叫左一個雜扒餐，其實叫雜扒最抵食，咩都有。
文姨姨叫咗份超大型T骨扒，話要7成熟，但上台時仍然有啲血水，食到中間發現可能只有3~4成熟。
其實我嘅牛柳話要7成，一切開睇落好紅，應該得5成倒，好在肉質嫩滑，食落都幾好味，黑椒汁煮得不錯，好香，不會太辣，都係嗰句.....可能鐵板會再好味啲.......！！
薯條係用粗身既波浪紋款式，係我最鍾意食嘅薯條呀！嘉嘉都攞咗嚟食，跟住一食再食，係人都知薯條係唔健康......唉.......
因為慣住食，都無影埋其他嗰啲添.......
特式餐飲加 $10 : 柑橘菠蘿菊花蜜
花園餐廳是老店，所以呢度啲waiter既服務都叫仲可以，都慣晒啦，呢啲係 "花園" 特色之一嘛！呢度又唔係啲咩高檔餐廳，要求高就唔好嚟喇！因為今時今日真係仲有 呢啲服務態度架！ 衛生程度麻麻，都係洗洗啲餐具穩陣啲，同埋嚟呢啲懷舊餐廳，我真係唔敢去呢度啲廁所.........
表弟的晚餐
我從來都不是知慳識憸的人，向來想買便買。我花是自己賺的錢，不用向誰交代，家用付足亦從沒有欠咭數。我其實不是不懂慳，只是對金錢不是看得很緊，人死了錢又帶不進棺材的，誰人能知道明天的事？
這個世界太多變數，早上返工就遇上意外，晚上都回不了家，就快退休了，銀行內辛辛苦苦的七位數字存款，都不過是一個數字，沒有意思。誰人說過呢?....駛咗出去的錢才是自已的錢，留下未駛的錢唔算自已嘅，真的很讚！
常常計較的人，真的很慘。
現在很多人都很忙地賺錢，因為在香港，是沒錢甚麼都做不了的。但今天你想賺一百元，明天你想賺一千，然後一萬，十萬，一百萬，要求的只會越來越多，究竟幾多才算夠? 有沒有發覺? 那些心頭高的人是永遠不開心的? 明明甚麼都有，但他們卻覺得，總欠一點點似的...............換著其他人，可能恨也恨不到，但這些永遠不開心的人，只會說：「 你們不明白的了。」
在浮羅交怡旅行的時候，當地的生活很基本，當地人亦很簡樸，名牌呀甚麼的，從來都沒有聽說過，大家都很注重 family life，所有人都很和藹....
我的家庭很開通，爸爸媽媽都不擺架子，一家人都很享受 family life，甚至有客人曾經問我，為甚麼你們可以那麼熱愛你的家人? 常常總是在一起? 我也不知道，自已選另一半首要條件，也要愛我的家人，誰說，結婚只是兩個人的事?
我看見我一些朋友，丈夫不喜歡自已家人，返去娘家的臉可黑了，誰人也不想跟他說話，他自然更加不想返去，這些都是相付相承的。儘管他高薪厚職，幾喜歡都是假，我可不要一個這樣的丈夫。
如果羊生不是用個心去愛我及我的家人，相信就很難去包容我們這一家，我們又嘈又癲，要很玩得 ( 係被玩 ) 說話又直接，誰犯錯都會受到評擊，仲要係圍攻嗰隻 ( 對..很可憐...最可憐係另一半都踩埋你一腳.....哈哈 
因為我們都是很簡單的人，幸福就係甘簡單。
話說今日我餵嘉嘉食早餐的時候，佢玩玩下唔小心推開咗我隻手，攪到我整跌咗啲嘢食，躁底的我即刻想發佢瀾渣，但又立即噤住咗自已心中嘅怒火，心想佢又唔係有心 ( 係咪EQ高咗啲呢
估唔到佢不過仲係BB就咁懂事！
今晚約左個細佬去銅鑼灣行街食飯，行到金百利先諗食乜，最後揀咗上嚟呢間「翹壽司味工房」。環境以西菜扒房格調設計而成，菜式卻是少有的日本私房料理。
入到鋪地方其實偏細，成個場一眼已經能夠望得晒，環境怖置並不是豪裝那一類，而且一個人都無！心想味道一定不是太好吧？！
服務生安排咗個Windows seat ~~~~餐牌所見，各款壽司小食皆不算便宜，一碟兩件的壽司要$30-$130不等，比起一般的中檔迴轉壽司還要貴呢！
牛肉鍋烏冬~~烏冬好煙韌，好鐘意個豬骨湯底，味道同口感都好好，而且上面仲有啲炒得好香嘅菇同菜，牛肉又嫩滑。
娘親的炸餃子河鍋烏冬
細佬的天婦羅烏冬 ~~~~ 夾左舊蝦食，都幾好味 wor
羊生的辣三文魚頭烏冬
三文魚比我想像中新鮮，鯖魚和希靈魚也不錯
這個叫做 "是但啦 "的剌身拼盆，魚生實在很新鮮，價值 $280
侍應生態度很不錯，上菜速度亦不算慢，本來以為無乜人唔好食，但原來都幾好食呀，食到好似包場甘，實在很不錯。
地址： 銅鑼灣記利佐治街1號金百利廣場7樓
電話 ：2882-4994
行咗一陣再食Pappagallo既雪糕，薄荷碎朱古力， I like it！
?
......都係咪搞我!!!!
