大帽山甲龍農場

年初二一朝早我哋就返咗去同爺爺嫲嫲飲茶




然後就返左娘家食開年飯，Busy




跟住我哋去咗甲龍農場鮮奶走一轉




同行仲有 M麥M 一家




這裡出奇地發現有飼養黑羊，那黑羊跟牛奶有什麼關係呢？

我諗極都諗唔明.....




嚟到呢到，梗係要order返碗薑汁撞奶啦！薑汁撞奶仲要係即撞架，約等五分鐘左右，薑味適中、奶味濃郁，好滑........ BB 都好鐘意食。

麥先生個餐蛋麵似乎都好好味甘樣！




食飽飽後，我們就去睇羊仔，好得意架，一見有人行近，就會走埋嚟呢！一定係以為有野食喇......

Sunnie仲問農場職員攞左啲麵包條餵羊羊，估唔到羊係鐘意食麵包既。




兩位 BB 見到啲羊羊都好緊張和開心




之後我地沿大帽山行，山上特別大霧，真係一步一驚心呀！前面乜都望唔到，行極都仲有，永無止境咁，真係不太好受。

在迷霧中好辛苦先黎到大帽山腳嘅停車埸，落車俾嘉嘉捉下霧先......




呢個位已經好大霧，大霧到啲衫同頭髮都濕晒，仲好凍好凍，所以我地都無繼續上山頂喇!!!!