爬蟲館三人行

雖然一連幾天都outing實在有點累，但這陣子，發現渟渟開始對身邊事很感興趣，我知道她的學習期終於來了。從嘉嘉身上，我明白讓幼兒多見識的重要，明白媽媽才是幼兒最具影響力的人，令我更覺得要趁有時間再多帶渟渟外出。

所以今天湊了嘉姐仔上學後，就連在鄰近我區的爬蟲館也不放過，跟羊生一起帶渟渟到那兒參觀。




少了嘉姐仔相伴，幸好渟渟都沒有感到寂寞，依然保持著笑容；看見奇怪的蜥蜴，更不時莫名其妙的尖叫，心情興奮得很！！！




雖然個館不是很大，不過就住左大網蛇、金錢龜、同好多蜥蝪、鱷魚等爬蟲動物，而且只有一塊玻璃相隔，可以近距離接觸((不過我睇到想嘔))。 




睇下渟渟幾大膽，連變色龍都唔驚~~不停""督""""督""""督""




佢真係好樣衰呀！！我接受唔到點解有人可以""養""佢地~~~~




我地今日見唔到條鱷魚添。




忽然渟渟有mood到，不停狂擺pose叫羊生同佢影相，我好肯定Auntie平時係有train渟渟點擺pose既，不過見到女兒這麼享受，我心裡也感覺很溫馨。




如果嘉嘉在場，佢一定唔肯過去影相！！

縱然兩姐妹的性格特質南轅北轍，但一點一滴，都能令我百般滋味...




大約20mins就行完成個爬蟲館，不過渟渟仲末捨得走。

門口仲有幾隻爬蟲造型大石，渟渟當然唔會識驚，仲隻隻都走去騎下影下相，玩得好開心添！！




兩個照顧一個，永遠都比兩個照顧兩個，更舒服、更自在.... .....




看著今天的渟渟，尤其只是「一家三口」一起外出，感覺就像回到從前...


嘉姐仔已經獨霸了爸爸媽媽3年的時間((懷孕期另計))，我也希望渟渟能得到同一樣的機會，可以自已一個人，享受一下獨佔和爸爸媽媽相處的時段.....


或許羊生不能經常配合，但我一個人也會好好加油，盡量擴闊渟渟的視野，帶她到不同的地方，看不同的東西，接觸外面不同的事物，渟渟，努力哦。