小一首輪自行分配學位

今日check左自行結果，發現政府派位我們用15分就入了屋企樓下間小學，嘉嘉終於有著落！雖然嘉嘉最想入培橋，但唔得都無辦法。


我相信凡事都是天父的安排((可能天父想幫我地慳錢))， 老實說，我也有認真考慮過......假如嘉嘉真的有私小，妹妹又讀國際幼稚園((想佢打好個底))，兩個小朋友開支真的比較大，學費、校車費、雜費、午餐費、補習費、課外活動費x2，越讀得高年級費用就越貴，而且私小又沒有100% sure win 可以跟嘉姐仔一齊讀，即是四年後妹妹升小的時候，我們又要再玩過類似的遊戲，家長越來越怪獸，競爭也只會越來越激烈，一個唔小心無一間私小收，得10分都唔知扔左渟渟去邊，其實我都好擔心......


呢間津小不差，是一所天主教小學，校風好好，返8:30am，可以訓到8:00am先起身。小一開始已經用普通話教中文，是區內的一線小學，就是比較谷和多功課測驗，都怕嘉姐仔辛苦，唔想佢上左小學就愁眉苦面。唉......但是另一方面，呢幾年就不用為左考小一而狂谷渟渟((佢真係好lazy))，她始終是""病人""，不希望她有太大壓力，反而有時間可以培養她的興趣，發掘她的潛能。


好煩呀.....繼唔繼續寫叩門信好呢?? 定叠埋心水等開學?? 有無高人指點?? 求天父可以賜我智慧，替我分憂。