咱嘉冰皮月餅班

今年第一次自製冰皮月餅，其實一直都無諗過要學要整.......

不過是日，文姨姨買晒材料，話要教嘉嘉、泊錡整冰皮月餅，而且買的都是已做好的餡料，就算連冰皮粉也只是用菜油搓勻就搞掂，原來真係好簡單！！




其實阿娘同我都係包月餅師傅，我做過幾年月餅暑期工架！！ 娘親就後生時期都做過下囉！ ！

睇下泊錡幾努力將餡料搓成圓形，留待備用！！妹妹又公主病發，今日怕dirty！！




然後在檯面和月餅模均灑上少許太白粉，將已包入餡料的粉糰放入月餅模內，放在檯上壓成形。

嘉姐仔至like呢個步驟，有佢至愛既Hello Kitty月餅模呢！！




我們的Hand Made冰皮月餅出爐喇！！嘉姐仔玩得好開心！！

記得用毛掃輕輕掃走多餘的太白粉，放入月餅盒加蓋，再放入冰箱冷藏保存，文姨姨話可keep到兩個星期左右。




第二天妹妹首先試食，可能啲冰皮皮好軟，所以渟渟拎得好鬼斯文，前所末見！！！

味道都唔錯，羊生好鐘意食冰皮月餅，每年中秋最少五盒，今年可以........