嘉嘉的5歲生日@精彩魔術表演(2)

原本一心諗住去 麥當勞的生日派對 開生日會，夠經濟且最乾手淨腳，有野食有遊戲玩，仲有麥當勞姐姐主持陪玩，個半小時完事，最多二千多，要再平既，可以揀間沒有Mc cafe的，齋食漢堡飽薯條，就算三四十人，也不用二千元的。

不過早前參加過嘉嘉同學仔的生日會就是在麥當勞舉行，略嫌地方太迫，時間太短。 

隔幾天再去完 臻臻姐姐個生日會 之後，嘉嘉就強烈要求去club house搞，其實我都有同感，反正又不是年年開生日會，所以自已都好想攪一個有得食有得玩又可以令賓客滿載而歸既開心生日會，好讓嘉嘉在她的童年有個美麗的快樂回憶！！




話晒第一次開生日會，還是找人代勞好了，畢竟我和羊生也不善於social。

我搜集過幾間Party公司，他們都會代為安排整個派對，不過朋友介紹，我就用了一個freelance的小丑 (可另選魔術師造型)：除了魔術表演、還會扭扭波、玩集體遊戲、帶唱生日歌等，我Book了一個半小時，盛惠$1,400。




坊間的魔術表演，其實也是大同小異的，只要小朋友都看得開心便可以了。

當小朋友個個聚精會神地看魔術表演，父母們除了為他們拍照，也是難得可休息片刻的時候。




小丑哥哥還帶玩pinata，首先是排隊玩這個拉繩的公主pinata，竟然是被壽星女嘉嘉拉中了，糖掉下來的一刻，小朋友們都很投入的拿呀拿、拿呀拿.........




另一個是for BOYs的敲打式 Pinata，不過可能紙皮有些厚，小朋友不夠力，打了好久哦！！場面有點冷，我恨不得想走過去把那條鯊魚撕開！！

會不會有點暴力呀??

看見小朋友都很投入，還好沒有低估小朋友的能力.....




小丑哥哥還帶領一眾小朋友唱生日歌，體貼地準備了一枝""火槍""替我們點生日蠟燭，很讚！




而且還提供拍照服務。




當切生日 蛋糕的時候，小丑哥哥就到另一端給小朋友扭波波。




一時開始的生日會，大家盡慶到差不多5時，賓客們開始一個一個的離去，聽得最多的就是：多謝晒....我個仔/女今日玩得好開心！ 感覺就好像當年我們的婚禮一樣，散席後很多賓客都對我們說：今晚玩得好開心，又是另一份滿足！！

當人漸散，我問嘉嘉：家姐你今日開唔開心呀??

嘉嘉：媽媽，多謝你呀，我今日好開心呀！！((甜曬))

我再對嘉嘉說：不過你頭先好似無同xxx影相喎！！

嘉嘉：唉......你請甘多人，搞到我今日真係好忙呀，我點記得啫......我甘多朋友，搞到我亂曬！！出年唔好喇，我地都係去旅行算啦。。。。。

當我聽到佢講呢段說話既時候，我真係好想""中""佢！！

 

 
以下係我SEARCH過好幾間Party公司，大家可以參考一下，大部分都係提供一個至三個小時既Party服務，基本有扭波波、玩遊戲、唱生日歌切餅儀式。。。。還可以加魔術表演、身體彩繪、小手工…..等等環節。 而大部份價錢都差唔多，一個鐘千二至千八不等。


Party magic---------------(www.partymagic.com.hk)

My Party------------------(http://myparty.com.hk/)

E n K----------------------(http://www.enkmagic.com/index_chi.htm)

柏迪派對-------------------(http://www.partyparty.com.hk/Products.asp?CategoryID=2)

Mr.Balloon---------------(http://mrballoon.com.hk/index.php)

Magic Express------------(http://www.magic-express.com.hk/index.php/zh/shop/partyproduct)

Bonart--------------------(http://www.bonart-hk.com/) ---------為小朋友生日會安排畫畫活動。

Playtown------------------(http://www.playtown.com.hk/) ----大型playhouse。

Pizza Express---------- ---(http://www.pizzaexpress.com.hk/tc_chi/index.html) -----------------小朋友可以學造pizza，做完代焗可以拿走。