爭廁所的故事

這天放學，我""竟然""收到了班主任的來電.....老師對我說 : Gloria今日喺學校喊呀!! 佢平時好少喊嘛......所以我問佢點解喊囉......原來嘉嘉跟同學仔爭廁所去，我都唔明有咩好爭((責備口吻，我唯有連忙道歉並說會了解事件))。
 
掛了電話後，我很生氣，先來個深呼吸叫自已冷靜一下才問嘉嘉：今日喺學校開唔開心呀??

已經食緊下午茶既嘉嘉答我：開心~~~~

我勁忟但再細細聲問嘉嘉：不過老師啱啱打俾我，話你今日喊wor!!!!! 點解呀????

嘉嘉即刻好驚唔敢出聲，平時勁少跟同學仔爭野、勁少喊既嘉嘉竟然被老師投訴，我真係好想了解清楚箇中原因!!!!! 我一再追問，嘉嘉才肯說： 我今日同Emma爭廁所，Emma推跌左我，所以我喊........

我生氣的說：點解要爭廁所呀?? 我咪話過唔鐘意你同人爭野囉!!! 下次唔好啦!!!!!


晚上，羊生跟嘉嘉洗澡的時候發現，嘉嘉的腰瘀黑了一大片，羊生即刻""質問""我為甚麼，然之後我又忍不住再問嘉嘉：其實你點解要爭廁所o者?? 學校有甘多格廁所，駛咩爭wor~~~~

嘉嘉說：因為去第一格廁所人地望唔到我，所以我鐘意去第一格，不過Emma又去，佢唔俾我去，所以佢推我撞到好痛!!!!

想不到心肝是因為怕羞而堅持去一角的一格廁所，因為幼稚園的小朋友廁所，全都是開放式的，唯有最一角的，才是最隱秘看不見的。或者是由小到大，我都灌輸嘉嘉要保護自己吧......... 回校要再跟老師溝通一番.......