海洋公園哈囉喂2011

其實我甘大個女，最驚就係""鬼""!!!!! 不過因為早前貪得意用嘉嘉去年學校的Hallowen造型照，參加左Nuffnang X 海洋公園十月哈囉喂搞乜鬼囧樣大製作，然後又贏得Ocean Park的Halloween門票，所以今晚就撇下嘉嘉........跟羊生去狂""呼""一晚。

五點半到達，鬼鬼們已經開始出動，在巴士站已經發現它們的蹤跡，由於海洋公園現在只能在正門入場，所以大部份的入場者都聚集在正門那邊的鬼屋，羊生就提議坐海洋列車先往山上的鬼屋出發囉!!!!! 就連海洋列車都換上鬼怪主題，睇完鬼片即到站~~~驚驚驚~~~~


山上有4個鬼屋：恐怖創作室、紙紮極樂園、猛鬼尾班車、喪屍絕對反擊戰


恐怖創作室 (Scary Level: 2)
- 入場第一間玩，氣氛陰森，佈置同道具都幾花心思，不過大部分只是假的斷手斷腳四肢，連我甘驚都唔覺得好恐怖。


紙紮極樂園(Scary Level: 4 )
- 中段忽然出現左兩排紙紮公仔，紙紮公仔好得人驚，分不清楚真鬼假鬼，因為他們全部動也不動的… 實在猜不到哪一個會撲出來，驚嚇指數極高。


猛鬼尾班車(Scary Level: 5 )
- 我覺得勁恐怖，勁多鬼！！開頭都仲可以，但行行下真係太恐怖，我驚到唔敢睜開眼，所以唔太記得入面係點。


喪屍絕對反擊戰(Scary Level: 3 )
- 每人有一把槍打喪屍，追追下用槍射佢地，佢地又真係交足戲扮就死，超搞笑。


山下的4個鬼屋：3D惡夢潛行、清宮殘異錄、腥級片埸、亡魂棺廠

3D惡夢潛行(Scary Level: 2)
- 3D鬼屋影院，不太恐怖，但係超3D，我o係排緊隊入去期間，俾啲鬼鬼嚇親。


清宮殘異錄(Scary Level: 5 )
- 好多人排隊呀！又勁多鬼鬼！真係嚇到癲，兩步一小嚇，三步一大嚇。


腥級片場(Scary Level: 3 )


亡魂棺廠(Scary Level: 5 )
- 咁多間鬼屋，呢間亡魂棺廠最得人驚，因為中間有一段路要單人匹馬自已行，其實好驚.......羊生先滑下去，然後他一個人站在黑黑的鬼屋裡等我!! 好man甘即刻拖返我，我即刻緊緊的抱著羊生的手臂繼續行。



成街都係鬼怪，基本上走兩步便會碰到一隻，服飾化妝更是精緻到不得了，每位演員亦很專業很勤力，不斷在嚇人，成班鬼都好好人 ........

不過明年再去的話可以買fast pass哦~~~~~因為好多人.........排隊都起碼要一小時，而且有時放得太多人入場，搞到好多鬼嚇完人之後都趕唔切番原位再準備嚇下一個，結果間鬼屋有幾恐怖都無用，因為嚇人個啲招數已經o係前面見到晒喇~~~~~

所以亡魂棺廠做得唔錯，因為中途佢分左幾條小路，路程分散左，人又自然會比較少，驚嚇度亦都自然大大增加!!!!!! 期待下一年海洋公園的哈佬喂。


再一次多謝Nuffnang團隊，你地都快啲登入 www.nuffnang.com.hk