給女兒的話．偉大航道

我很討厭時下的ＲＡＰ歌，沒有文化，歌詞粗俗，完全沒有甚麼"音樂"可言......

我知道，這是我不明白音樂的多元化.......因為討厭，所以每次當我聽到，都會立即關掉喇叭!!!

無意發現這首歌..... 是農夫寫的唱的.......

我的女兒....那些話....會是我未來十數年不斷跟你說的話嗎? 也許今天，你不會明白，不會理解，但十數年後....你....是會知道我們的用意嗎?

.

很多很多句的歌詞都寫得很好，寫得很"入肉"...... 想起嘉嘉這陣子的頑劣，看著她老是發脾氣..... 媽媽的這一角......

怪~~怪自己將不好的都遺傳給你，壞皮膚傳了給你，就連壞脾氣都傳了給你......

歌詞最後的兩句.... 卻深深觸動我.......

其實你黎到呢個世界  係一個安排

你會比你想像中更加偉大

嘉嘉，你會比我們想像中更加偉大........ 對嗎?

我甚麼都做得不好，希望你不要介意，縱使我不是一個100分的媽媽，但請你記著...

我是真心真意，無條件的愛你......

這也是我唯一可以做到，而且是一定會做得最好的事.......

不嫌其煩的多說一句...... 女兒，我愛你~~~

.

偉大航道 - C君
作曲：C君
填詞：C君

呢首歌係我特別為你而寫嘅
可能你而家唔知我講緊咩嘅
但係到你大個攞返呢隻歌喺CD機度播
你會知道我為你做咗啲咩嘢
細路哥細細個仲細得幾多年
唔好俾你嘅童年淨係充滿考試同測驗
望下個天 咁好天 去下海邊
因為到你大個就會忘記乜嘢係大自然

做學生要爭取時間玩
有幾多功課都好閒 唔駛喊
當你正式上班先知道乜嘢叫慘
原來做功課好簡單做人好難
唔好怪你學校好似好煩嗰幾個先生
因為冇一個先生係可以煩得過你老闆
唔好介意 記缺點只係小事
操行分就係玩緊迷你版嘅辦公室政治
唔好笑你同學仔 因為將來佢可能係
同你做一世嘅兄弟 呀順便一提
千祈唔好食煙 點解
因為你想像唔到佢有幾難戒

Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破

大多幾歲你會想搵返個情侶
老土啲講一句 唔係有心就唔好追佢
你諗吓佢流嘅眼流
傷害佢 將來佢 唔再相信愛 你仲點過意得去
愛情係好玩但係唔好玩愛情
你一個唔小心 可能會影響佢一世人
我係過來人 我做錯 咪學我 再做錯 因此我
係啵 記飲酒唔好飲咁多
尤其是有杯著晒火 一定要朋友幫下拖
貓到瞓低都冇乜所謂最怕起身係隔嚟
見到個我咁樣嘅男仔 你就知道乜嘢係蝕底
唔好隨便同人發生關係
話就話前事不提 都係另一種虛偽
因為 我始終認為
你老公都唔想知道佢有咁多襟兄弟

Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破

講到想講嘅都講過 需要分享我分享過
你始終會大個 你始終會離開我
每人都有名 每人都有姓
出世嗰一日就係最好嘅身份証明
每人都有名 每人都有姓
出世嗰一刻就係上天對你嘅肯定

Woo~ 寫俾你呢隻歌
Woo~ 將所有我經過 我做錯 咪學我 再做錯 因此我
Woo~ 寫俾你呢隻歌
Woo~ 想當你跌低過 錯敗過 有力再 去突破

路從來都係好難行嘅
但係無論幾難都好 我一定會喺度陪你
其實你嚟到呢個世界 係一個安排
你會比你想像中更加偉大